Joshua 13:5 - Yn Vible Casherick 1775 1819

⁵ As cheer ny Gibliteyn, as ooilley Lebanon, lesh y shiar, veih Baal-gad fo cronk Hermon derrey hig oo gys Hamath:

Joshua 13:5 ပူးပေါင်းရင်းမြစ်များ

1 Reeaghyn 5:18

As ren masoonee Solomon as masoonee Hiram ad y chleiy, mâroosyn va cummey ny claghyn: myr shoh hooar ad aarloo fuygh as claghyn dy hroggal y thie.

1 Reeaghyn 8:65

As ec y traa shen dreill Solomon feailley, as ooilley Israel mârish, chaglym mooar dy leih, veih’n goll stiagh ec Hamath gys awin Egypt, kiongoyrt rish y Chiarn yn Jee ain, shiaght laa as shiaght laa, dy jarroo kiare laghyn jeig.

Psalmyn 83:7

Gebal, as Ammon, as Amalek: ny Philistinee, marish cummaltee Tyre.

Isaiah 10:9

Nagh vel Calno [stroit] myr Carchemish? nagh vel Hamath myr Arpad? nagh vel Samaria myr Damascus?

Jeremiah 52:9

Eisht ghow ad yn ree, as hug ad lhieu seose eh gys ree Vabylon ec Riblah, ayns thalloo Hamath; raad hug eh briwnys er.

Ezekiel 27:9

Va shenn gheiney lowal veih Gebal, as schleioil, ny seyir-lhuingey ayd’s, va ooilley lhongyn ny marrey lesh nyn shiolteyryn taaghey hood’s, dy ghellal ayns dty varchantys.

Amos 6:2

Immee-jee harrish gys Calneh, as cur-jee my-ner, as veih shen gow-jee gys Hemath mooar: eisht immee-jee sheese gys Gath ny Philistinee: vel ad shen ny share na ny reeriaghtyn shoh? ny’n chagliagh ocsyn ny s’lhea na’n chagliagh euish?

Earrooyn 13:21

Myr shen hie ad seose, as ronsee ad y cheer veih faasagh Zin, gys Rehob; myr ta sleih cheet gys Hamath.

Earrooyn 34:8

Veih cronk Hor, nee shiu roie yn chagliagh eu derrey hig ee gys Hamath: as bee’n chagliagh veih shen gys Zedad.

Deuteronomy 1:7

Chyndaa-jee, as gow-jee nyn yurnah, as immee-jee, gys cheer-ard ny Amoriteyn, as gys ooilley ny ynnydyn t’er-gerrey da, ’sy thalloo-rea, ayns ny croink, as ’sy choan, as ayns y jiass, as rish oirr ny marrey, gys cheer ny Canaaniteyn, as gys Lebanon, gys yn awin mooar shen, awin Euphrates.

Deuteronomy 3:25

Ta mee guee ort, lhig dou goll harrish, as shilley ’gheddyn jeh’n cheer mie shen ta cheu elley dy Yordan, yn slieau aalin shen, Lebanon.

Joshua 11:17

Eer veih cronk Halak, ta er raad Seir, choud as Baal-gad, ayns coan Lebanon, fo cronk Hermon: as ghow eh ooilley ny reeaghyn oc, as woaill eh, as varr eh ad.

Joshua 11:3

As gys y Chanaanite er cheu-har as cheu-heear, as gys yn Amorite, as yn Hittite, as y Perizzite, as y Jebusite ayns ny sleityn, as gys yn Hivite fo Hermon, ayns cheer Vispeh.

Joshua 12:7

As shoh reeaghyn y cheer ren Joshua as cloan Israel y woalley er y cheu shoh dy Yordan er y cheu-heear, veih Baal-gad ayns coan Lebanon eer gys ny sleityn caglee, lesh Seir, hug Joshua da tribeyn Israel son eiraght, myr v’ad er nyn rheynn: