Joshua 13:31 - Yn Vible Casherick 1775 1819

³¹ As va lieh Ghilead, as Ashtaroth, as Edrei, baljyn reeriaght Og ayns Bashan, er ny choyrt da cloan Vachir mac Vanasseh, ta shen, da’n derrey lieh jeh cloan Vachir rere nyn gynneeyn.

Joshua 13:31 ပူးပေါင်းရင်းမြစ်များ

1 Recortyssyn 6:71

Da mec Ghershom v’er ny choyrt ass lieh-tribe Vanasseh, Golan ayns Bashan marish e gleebyn; as Ashtaroth marish e gleebyn.

Psalmyn 60:7

Ta Gilead lhiam’s, as lhiam’s Manasses: ta Ephraim myrgeddin niart my chione; she Juda ta coyrt my leigh.

Ezekiel 48:4

As rish cagliagh Naphtali, veih’n lhiattee-har gys y lhiattee-heear cronney Vanasseh.

Joshua 12:4

As ard Og ree Vashan, va jeh sluight ny foawir, va goaill ec Ashtaroth, as ec Edrei,

Joshua 13:12

Ooilley reeriaght Og ayns Bashan, va reill ayns Ashtaroth as ayns Edrei, ooilley ny va er-mayrn jeh sluight ny foawir: son ad shoh ren Moses bwoalley, as geiyrt magh.

Joshua 13:32

As shoh ny cheeraghyn rheynn Moses son eiraght ayns strahghyn Voab, cheu elley dy Yordan, shiar veih Jericho.

Joshua 17:5

As hooar Manasseh jeih ayrnyn, cheu-mooie jeh thalloo Ghilead as Bashan, va er cheu elley dy Yordan;

Joshua 17:6

Er-yn-oyr dy row eiraght ec inneenyn Vanasseh mastey ny mec echey: as va cheer Ghilead ec y chooid elley jeh mec Vanasseh.

Joshua 9:10

As ooilley ny ren eh rish daa ree ny Amoriteyn, va cheu elley dy Yordan, rish Sihon ree Heshbon, as rish Og ree Vashan, va cummal ayns Ashtaroth.

Briwnyn 10:6

As ren cloan Israel reesht olk ayns shilley’n Chiarn, as hirveish ad Baalim as Ashtaroth, as jeeghyn Syria, as jeeghyn Zidon, as jeeghyn Voab, as jeeghyn cloan Ammon, as jeeghyn ny Philistinee, as hreig ad y Chiarn, as cha hirveish ad eh.

Briwnyn 5:17

Duirree Gilead cheu elley dy Yordan: as cre’n-fa va Dan cur rish e lhuingys? duirree Asher rish oirr ny marrey, as v’eh ny haaue ayns ny purtyn.

1 Samuel 12:10

As deïe ad gys y Chiarn, as dooyrt ad, Ta shin er n’yannoo peccah, er-yn-oyr dy vel shin er hreigeil y Chiarn, as er hirveish Baalim as Ashtaroth: agh nish livrey shin veih laueyn nyn noidyn, as nee mayd uss y hirveish.

1 Samuel 7:3

As loayr Samuel rish ooilley thie Israel, gra, My ta shiu chyndaa gys y Chiarn lesh ooilley nyn gree, eisht cur-jee ersooyl ny jeeghyn joarree as Ashtaroth veih ny mast’ eu, as soie-jee nyn greeaghyn dy hirveish y Chiarn ny-lomarcan: as nee eh shiu y livrey ass laue ny Philistinee.