Joshua 13:27 - Yn Vible Casherick 1775 1819

²⁷ As ayns y choan, Beth-aram, as Beth-nimrah, as Succoth, as Zaphon, yn chooid elley jeh reeriaght Sihon ree Heshbon, Jordan as y slyst shen, gys oirr sodjey magh faarkey Chinnereth, cheu-har dy Yordan.

Joshua 13:27 ပူးပေါင်းရင်းမြစ်များ

Genesis 33:17

As hie Jacob er e yurnah gys Succoth, as hrog eh thie da hene, as ren eh bwaneyn son e vaase: shen-y-fa ta’n ynnyd enmyssit Succoth.

1 Reeaghyn 7:46

Ayns thalloo-rea Yordan ren y ree ad y lheïe, ayns y thalloo craie eddyr Succoth as Zarthan.

Psalmyn 60:6

Ta Jee er loayrt ayns e chasherickys, Nee’m boggey ’ghoaill as rheynn-ym Sichem: as towse-ym magh coan Succoth.

Earrooyn 32:3

Ta Ataroth, as Dibon, as Jazer, as Nimrah, as Heshbon, as Elealeh, as Shebam, as Nebo, as Beon;

Earrooyn 32:36

As Beth-nimrah, as Beth-haran, ard-valjyn voallit: as bwoailtchyn keyrragh.

Earrooyn 34:11

As hed y chagliagh sheese veih Shepham gys Riblah, er cheu-har jeh Ain; as nee’n chagliagh roie sheese, as roshtyn gys lhiattee cheayn Chinnereth, lesh y niar.

Noo Luke 5:1

As haink eh gy-kione myr va’n pobble chionney stiagh er dy chlashtyn goo Yee, as eh ny hassoo liorish faarkey Ghennesaret,

Deuteronomy 3:17

Yn thalloo-rea myrgeddin, as Jordan, as ny ardjyn echey, eer veih Chinnereth choud’s faarkey’n strah, eer yn Faarkey Sailley, fo Ashdoth-pisgah, my-hiar.

Joshua 11:2

As gys ny reeaghyn v’er cheu-twoaie jeh ny sleityn, as jeh ny strahghyn jiass jeh Cinneroth, as ayns y choan, as ayns slystyn Dor cheu-heear,

Joshua 12:3

As veih’n strah gys faarkey Cinneroth, cheu-har, as gys faarkey’n strah, shen y Faarkey Sailjey cheu-har, raad Veth-jeshimoth; as veih’n jiass, fo Ashdoth-pisgah

Joshua 13:26

As veih Heshbon gys Ramath-mizpeh, as Betonim; as veih Mahanaim gys slyst Debir;

Joshua 13:28

Shoh eiraght cloan Ghad rere nyn gynneeyn, nyn ard-valjyn, as ny baljyn-cheerey.