Joshua 13:22 - Yn Vible Casherick 1775 1819

²² Balaam myrgeddin, mac Beor, yn fer-obbee ren cloan Israel y varroo lesh y chliwe mâroosyn huitt ’sy chaggey.

Joshua 13:22 ပူးပေါင်းရင်းမြစ်များ

Earrooyn 23:23

Son shickyrys cha vel obbeeys erbee noi Jacob, chamoo ta faishnys erbee noi Israel: ayns yn imbagh cooie, vees er ny hoilshaghey mychione Jacob as Israel, Cre ta Jee er n’yannoo!

Earrooyn 24:1

As tra honnick Balaam, dy row eh aigney’n Chiarn dy vannaghey Israel, cha jagh eh, myr ren eh roïe, dy vriaght liorish obbeeys, agh hyndaa eh e eddin lesh yn aasagh.

Earrooyn 24:14

As cur-my-ner, ta mee nish goll gys my phobble hene, tar, er-y-fa shen, as soilshee-ym dhyt, cre nee’n pobble shoh rish y pobble ayd’s, ayns ny earishyn ta ry-heet.

Earrooyn 31:8

As varr ad reeaghyn Vidian, mâroosyn huitt ayns caggey; ta shen dy ghra, Evi, as Rekem, as Zur, as Hur, as Reba, queig reeaghyn Vidian: Balaam myrgeddin mac Beor varr ad lesh y chliwe.

Joshua 13:23

As va ayrn cloan Reuben, Jordan, as y slyst shen. Shoh va eiraght cloan Reuben cordail rish ny kynneeyn oc, ny ard-valjyn as ny baljyn-cheerey.

2 Peddyr 2:15

T’er dreigeil yn raad cair, as er n’gholl er-shaghryn, geiyrt da raad Balaam mac Bosor, hug saynt da’n leagh dy neu-ynrickys;

Jude 1:11

Smerg daue; son t’ad er n’immeeaght ayns raad Cain, as er roie dy jeean lurg shaghrynys Balaam son faill, as er jerraghtyn ayns irree-magh Core.

Ashlish 19:20

As va’n veisht goit, as marish yn phadeyr foalsey va gobbraghey mirrilyn ayns e euish, lhieu v’eh molley adsyn v’er ghoaill orroo cowrey’n veisht, as adsyn hug ooashley da e yalloo. V’ad shoh ny-neesht ceaut bio ayns logh dy aile lostey lesh brimstone.

Ashlish 2:14

Agh ta red ennagh aym dt’oï, er-yn-oyr dy vel ayd ayns shen adsyn ta lhiantyn gys coyrle Balaam, dynsee Balak dy hoiaghey ribbey roish cloan Israel, dy ee reddyn v’er ny ouralley gys jallooyn, as dy chur rish maarderys.