Myr shen daill ad daa housane jeig as feed dy gheiney, marish fainee, as ree Maachah as e phobble, haink as ren campal roish Medeba. As haggil cloan Ammon ad-hene cooidjagh veih nyn ard-valjyn, as ghow ad y magher-caggee.
Son va Heshbon ard-valley Sihon ree ny Amoriteyn, va er chaggey noi’n ree va roish shen ayns Moab, as er n’ghoaill ooilley’n cheer echey voish, eer gys Arnon.
As y cheer shoh, v’ayns nyn gummal ec y traa shen, veih Aroer, ta rish awin Arnon, as lieh chronk Ghilead, lesh ny ard-valjyn echey, hug mee da ny Reubeniteyn, as ny Gaditeyn.
Sihon ree ny Amoriteyn, va cummal ayns Heshbon, e reill va veih Aroer, t’er broogh awin Arnon, as veih mean yn awin, ta shen, lieh Ghilead choud as awin Yabbok, ta cagliagh cloan Ammon;
Agh cha vel ayrn ec ny Leviteyn nyn mastey; son ta saggyrtys y Chiarn yn eiraght ocsyn: as ta Gad as Reuben, as lieh-tribe Vanasseh, er gheddyn nyn eiraght shiar veih Jordan, shen hug Moses sharvaant y Chiarn daue.
Ooilley’n traa va Israel cummal ayns Heshbon as e baljyn, as ayns Aroer as e baljyn, as ayns ooilley ny baljyn ta liorish ardjyn Arnon, son three cheead bleïn? cre’n-oyr er-y-fa shen nagh ren shiu ad y chlaimal rish choud dy hraa?