Joshua 13:11 - Yn Vible Casherick 1775 1819

¹¹ As Gilead, as ardjyn ny Geshuriteyn, as Maachathiteyn, as slane cronk Hermon, as ooilley Bashan gys Salcah;

Joshua 13:11 ပူးပေါင်းရင်းမြစ်များ

Genesis 37:25

As hoie ad sheese, dy ghoaill beaghey: as hrog ad seose nyn sooillyn, as yeeagh ad, as cur-my-ner, haink sheshaght dy Ishmaeliteyn veih Gilead, lesh nyn camelyn, cur lhieu spiceyn, as balm, as myrrh, goll lesh sheese gys Egypt.

1 Recortyssyn 2:23

As ghow eh Geshur, as Aram marish baljyn Jair; as Kenath as e baljyn, eer three-feed ard-valley: v’ad shoh ooilley lesh mec Machir ayr Ghilead.

1 Recortyssyn 5:11

As ren cloan Ghad cummal harrish nyn ’oï, ayns cheer Vashan, gys Salcah:

Earrooyn 32:29

As dooyrt Moses roo, My hed cloan Ghad, as cloan Reuben mêriu harrish Jordan, dy chooilley ghooinney ayns e choamrey-caggee roish y Chiarn, as dy bee’n cheer er ny ghoaill kiongoyrt riu; eisht ver shiu daue thalloo Ghilead son eiraght:

Deuteronomy 3:10

Ooilley ard-valjyn yn cheer-rea, as ooilley Gilead, as ooilley Bashan, gys Salchah as Edrei, ard-valjyn reeriaght Og ayns Bashan:

Joshua 11:3

As gys y Chanaanite er cheu-har as cheu-heear, as gys yn Amorite, as yn Hittite, as y Perizzite, as y Jebusite ayns ny sleityn, as gys yn Hivite fo Hermon, ayns cheer Vispeh.

Joshua 13:10

As ooilley ard-valjyn Sihon ree ny Amoriteyn, va reill ayns Heshbon, gys cagliagh cloan Ammon;

Joshua 13:2

Shoh’n thalloo nagh vel foast goit stiagh: ooilley ardjyn ny Philistinee, as slane Geshuri,

Joshua 13:25

As va’n ayrn ocsyn Jazer, as ooilley baljyn Ghilead, as y derrey lieh jeh cheer cloan Ammon, gys Aroer ta liorish Rabbah;

Joshua 17:5

As hooar Manasseh jeih ayrnyn, cheu-mooie jeh thalloo Ghilead as Bashan, va er cheu elley dy Yordan;

1 Samuel 13:7

As chossyn paart jeh my Hebrewnee harrish Jordan gys cheer Ghad as Gilead. Agh son Saul v’eh foast ayns Gilgal; as va ooilley’n pobble er-creau geiyrt er.