Joshua 11:23 - Yn Vible Casherick 1775 1819

²³ Myr shoh ghow Joshua yn slane cheer, cordail rish ooilley ny va’n Chiarn er ghra rish Moses; as hug Joshua eh son eiraght da Israel, cordail rish y rheynn va jeant fud ny tribeyn oc. As [ny lurg shoh] va shee ’sy cheer.

Joshua 11:23 ပူးပေါင်းရင်းမြစ်များ

Nehemiah 9:24

Myr shen hie’n chloan oc stiagh, as ghow ad possession jeh’n cheer, as hug oo fo-chosh cummaltee cheer ny Canaaniteyn, as livrey oo ad gys ny laueyn oc, marish nyn reeaghyn, as pobble y cheer, dy yannoo roo myr bailloo.

Psalmyn 46:9

T’eh cur er caggaghyn dy scuirr ayns ooilley yn seihll: t’eh brishey yn bow, as giarey yn shleiy dy peeshyn, as lostey ny fainaghyn ’syn aile.

Exodus 34:11

Cur tastey mie da shen ta mee nish dy dty harey: Cur-my-ner, ta mee gimman magh royd yn Amorite; as y Canaanite, as yn Hittite, as y Perizzite, as yn Hivite, as y Jebusite.

Ezekiel 45:8

Shoh vees yn chooid hallooin echeysyn ayns Israel, as cha jean ny princeyn aym’s ny-sodjey tranlaase y yannoo er my phobble; as y chooid elley jeh’n thalloo ver ad da kynney Israel, rere ny tribeyn.

Deuteronomy 1:38

Agh Joshua mac Nun, ta dty hirveishagh, hed eshyn stiagh ayn. Cur dty choyrle vie da: son eshyn ver eh da Israel son eiraght.

Deuteronomy 25:19

Shen-y-fa, tra ver y Chiarn dty Yee fea dhyt, veih ooilley dty noidyn er dy chooilley heu, ayns y cheer ta’n Chiarn dty Yee dy choyrt dhyt, son eiraght dy chummal ayn, dy der oo ass cooinaghtyn ennym Amalek dy bollagh fo niau; jeeagh nagh jarrood oo eh.

Joshua 11:18

Foddey dy hraa ren Joshua caggey rish ooilley ny reeaghyn shen.

Joshua 12:7

As shoh reeaghyn y cheer ren Joshua as cloan Israel y woalley er y cheu shoh dy Yordan er y cheu-heear, veih Baal-gad ayns coan Lebanon eer gys ny sleityn caglee, lesh Seir, hug Joshua da tribeyn Israel son eiraght, myr v’ad er nyn rheynn:

Joshua 18:10

As cheau Joshua lottyn er nyn son ayns Shiloh kiongoyrt rish y Chiarn: as ayns shen rheynn Joshua yn cheer er cloan Israel, myr ve er ny hoiaghey magh.

Joshua 22:4

As nish ta’n Chiarn nyn Yee er choyrt fea da nyn mraaraghyn, myr yiall eh daue: shen-y-fa nish, chyndaa-jee as immee-jee gys nyn gummallyn hene, as gys cheer nyn eiraght, hug Moses sharvaant y Chiarn diu er y cheu elley dy Yordan.

Joshua 23:1

As haink eh gy-kione lurg foddey dy hraa, as dy row’n Chiarn er choyrt fea dy Israel veih ooilley nyn noidyn er dy chooilley heu, dy row Joshua er n’aase shenn as er roie dy mooar ayns eash.