Joshua 11:20 - Yn Vible Casherick 1775 1819

²⁰ Son daag y Chiarn ad fo creoghys cree, dy chaggey noi Israel, dy voddagh eh stroie ad dy bollagh, nagh voghe ad foayr erbee, agh dy voddagh cragh cheet ny-vud oc, myr hug y Chiarn sarey da Moses.

Joshua 11:20 ပူးပေါင်းရင်းမြစ်များ

2 Samuel 17:14

As dooyrt Absalom as ooilley deiney Israel, Ta coyrle Hushai yn Archite ny share na coyrle Ahitophel. Son veih’n Chiarn ve, dy chastey coyrle chreeney Ahitophel, dy chooilleeney er Absalom yn olk va’n Chiarn er chiarail n’oï.

1 Reeaghyn 12:15

Shen-y-fa cha deaisht y ree rish y pobble; son va’n chooish veih’n Chiarn, dy chooilleeney e ghoo, loayr y Chiarn liorish Ahijah yn Shilonite rish Jeroboam mac Nebat.

2 Recortyssyn 22:7

As va toyrt-mow Ahaziah veih Jee son goll marish Joram: son hie eh magh marish Jehoram noi Jehu mac Nimshi, eh va’n Chiarn er ooilaghey dy yiarey jeh thie Ahab.

2 Recortyssyn 25:16

As haink eh gy-kione myr v’eh taggloo rish, dy dooyrt y ree rish, Nee uss fer jeh fir-choyrlee yn ree? bee dty host, nonney ver-ym gy-baase oo. Eisht cha jagh y phadeyr ny-sodjey lesh, agh dooyrt eh, Ta fys aym dy vel Jee er chiarail dy stroie oo, er-yn-oyr dy vel oo er n’yannoo shoh, as nagh vel oo er n’eaishtagh rish my choyrle’s.

Exodus 10:1

As dooyrt y Chiarn rish Moses, Immee gys Pharaoh: son ta mee er chreoghey yn cree echey, as cree e harvaantyn; dy voddin ad shoh my chowraghyn y hoilshaghey kiongoyrt rish:

Exodus 11:10

As ren Moses as Aaron ooilley ny yindyssyn shoh kiongoyrt rish Pharaoh: as ren y Chiarn cree Pharaoh y chreoghey, nagh lhiggagh eh yn raad da Israel ass cheer Egypt.

Exodus 14:17

As neem’s, cur-my-ner, neem’s creeaghyn ny Egyptianee y chreoghey, as hed ad geiyrt orroo: as yioyms dou hene ooashley harrish Pharaoh, as ooilley e heshaght-chaggee, er ny fainee, as er ny markee echey.

Exodus 14:4

As neem’s cree Pharaoh y chreoghey, dy jed eh er nyn eiyrt; as yioyms ooashley liorish soilshaghey my phooar er Pharaoh, as er ooilley e heshaght-chaggee; as bee fys ec ny Egyptianee dy nee mish y Chiarn. As shen myr ren ad.

Exodus 14:8

As ren y Chiarn cree Pharaoh ree Egypt y chreoghey, as hie eh er-eiyrt’s cloan Israel: as hie cloan Israel er nyn doshiaght rhymboo lesh laue ard.

Exodus 4:21

As dooyrt y Chiarn rish Moses; Tra t’ou er gholl, as er roshtyn gys Egypt, jeeagh dy jean oo fenish Pharaoh, ooilley ny yindyssyn shen ta mee er choyrt ayns pooar dty laue: agh neem’s yn chree echeysyn y chreoghey, nagh lhig eh yn raad da’n pobble.

Exodus 9:12

As ren y Chiarn cree Pharaoh y chreoghey, as nagh dug eh geill daue, myr va’n Chiarn er hoilshaghey da Moses.

Exodus 9:16

As dy jarroo firrinagh, er yn eer oyr shoh ta mee er dty hroggal seose, dy hoilshaghey aynyd my phooar, as dy vod m’ennym v’er ny ockley magh trooid ooilley’n theihll.

Isaiah 14:24

Ta Chiarn ny flaunyssee er vreearrey, gra, Shickyr myr ta mee er smooinaghtyn, shen myr hig eh gy-kione; as myr ta mee er chiarail, shen myr nee eh shassoo:

Isaiah 34:2

Son ta jymmoose y Chiarn er dy chooilley ashoon, as e eulys er ooilley nyn sheshaghtyn-caggee: t’eh dy bollagh er stroie ad, t’eh livrey ad gys y stroialtys.

Romanee 9:18

Shen-y-fa t’eh myghinagh, dasyn saillish ve myghinagh, as eshyn saillish, t’eh dy chreoghey.

Deuteronomy 2:30

Agh dob Sihon ree Heshbon raad dooin dy gholl er nyn doshiaght, son ren y Chiarn dty Yee e chree creoi, as roonagh nyn ’oï, er-chee dy livrey eh gys dty laue, myr te ry-akin jiu.

Deuteronomy 7:16

As nee oo stroie ooilley ny ashoonyn, nee’n Chiarn dty Yee y livrey hood: cha bee chymmey ec dty hooill orroo: chamoo nee oo shirveish ny jeeghyn oc; son bee shen ny ribbeh dhyt.

Briwnyn 14:4

Agh cha row fys ec e ayr ny e voir dy nee veih’n Chiarn ve, dy beagh shoh oyr streeu eddyr eh-hene as ny Philistinee: son ec y traa shen va reill ec ny Philistinee harrish Israel.

1 Samuel 2:25

My ta dooinney jannoo aggair da dooinney, nee’n briw reaghey’n chooish eddyr ad: agh my nee dooinney peccah noi’n Chiarn, quoi hig eddyr ad? Ny-yeih cha dug ad geill da coraa nyn ayr; shen-y-fa va’n Chiarn kiarit dy stroie ad.