Joshua 11:2 - Yn Vible Casherick 1775 1819

² As gys ny reeaghyn v’er cheu-twoaie jeh ny sleityn, as jeh ny strahghyn jiass jeh Cinneroth, as ayns y choan, as ayns slystyn Dor cheu-heear,

Joshua 11:2 ပူးပေါင်းရင်းမြစ်များ

1 Reeaghyn 15:20

Myr shoh ren Ben-hadad er raa ree Asa, as hug eh captanyn yn cheshaght v’echey noi ard-valjyn Israel, as woaill eh Ijon, as Dan, as Abelbeth-maachah, as ooilley Cinneroth, marish ooilley cheer Naphtali.

1 Reeaghyn 4:11

Mac Abinadab, ayns ooilley cheer Dor; echey va Taphath inneen Solomon son ben.

Earrooyn 34:11

As hed y chagliagh sheese veih Shepham gys Riblah, er cheu-har jeh Ain; as nee’n chagliagh roie sheese, as roshtyn gys lhiattee cheayn Chinnereth, lesh y niar.

Noo Luke 1:39

As mysh ny laghyn shen hrog Moirrey urree lesh siyr dy gholl gys cheer ny liargagh, gys ard-valley dy Yudah,

Noo Luke 5:1

As haink eh gy-kione myr va’n pobble chionney stiagh er dy chlashtyn goo Yee, as eh ny hassoo liorish faarkey Ghennesaret,

Joshua 10:40

Myr shoh ren Joshua bwoalley ooilley cheer ny sleityn, as y jiass, as y choan, as cheer ny farraneyn, as ooilley ny reeaghyn oc: cha daag eh veg er-mayrn; agh stroie eh dy bollagh dy chooilley chretoor bio, myr va’n Chiarn Jee Israel er harey.

Joshua 10:6

As hug deiney Ghibeon fys gys Joshua gys y champ ec Gilgal, gra, Ny bee lhag-lauee rish dty harvaantyn; tar seose hooin ayns dy chooilley hiyr, as saue shin, as cooin lhien: son ta ooilley reeaghyn ny Amoriteyn ta cummal ayns ny sleityn er nyn jaglym cooidjagh nyn ’oï.

Joshua 11:16

Myr shoh ghow Joshua ooilley’n cheer shen, ny croink, as ooilley’n cheer jiass, as ooilley cheer Ghoshen, as y coan, as y strah, as slieau Israel, as y ghlione echey;

Joshua 11:21

As ec y traa shen haink Joshua, as dastyr eh cloan Anak ass ny sleityn, ass Hebron, ass Debir, ass Anab, as veih ooilley sleityn Yudah, as ooilley sleityn Israel: ren Joshua stroie dy bollagh ad hene as nyn ard-valjyn.

Joshua 12:23

Ree Dor ayns slyst Dor, unnane; ree ashoonyn Ghilgal, unnane;

Joshua 12:3

As veih’n strah gys faarkey Cinneroth, cheu-har, as gys faarkey’n strah, shen y Faarkey Sailjey cheu-har, raad Veth-jeshimoth; as veih’n jiass, fo Ashdoth-pisgah

Joshua 13:27

As ayns y choan, Beth-aram, as Beth-nimrah, as Succoth, as Zaphon, yn chooid elley jeh reeriaght Sihon ree Heshbon, Jordan as y slyst shen, gys oirr sodjey magh faarkey Chinnereth, cheu-har dy Yordan.

Joshua 17:11

As va ec Manasseh ayns Issachar, as ayns Asher, Beth-shean as e baljyn, as Ibleam as e baljyn, as cummaltee Dor as e baljyn, as cummaltee Endor as e baljyn, as cummaltee Taanach as e baljyn, as cummaltee Vegiddo as e baljyn, eer three cheeraghyn.

Briwnyn 1:27

Chamoo ren Manasseh geiyrt magh cummaltee Beth-shean as e baljyn, ny cummaltee Taanach as e baljyn, ny cummaltee Dor as e baljyn, ny cummaltee Ibleam as e baljyn, ny cummaltee Megiddo as e baljyn: agh va ny Canaaniteyn foast cummal ’sy cheer shen.