Joshua 11:15 - Yn Vible Casherick 1775 1819

¹⁵ Myr hug y Chiarn currym er Moses e harvaant, shen myr hug Moses currym er Joshua, as shen myr ren Joshua; cha daag eh veg giare jeh ooilley ny va’n Chiarn er harey da Moses.

Joshua 11:15 ပူးပေါင်းရင်းမြစ်များ

2 Recortyssyn 30:12

Agh ayns Judah va laue Yee lhieu lesh un chree dy chooilleeney sarey’n ree as ny princeyn, liorish goo’n Chiarn.

Earrooyn 33:50

As loayr y Chiarn rish Moses, ayns thalloo-rea Voab, liorish Jordan, er-gerrey da Jericho, gra,

Earrooyn 33:52

Eisht nee shiu geiyrt magh ooilley cummaltee yn cheer veih kiongoyrt riu, as stroie ooilley caslyssyn ny jeeghyn oc, as ooilley ny jallooyn lheït, as dy bollagh skaa sheese ooilley ny ynnydyn ard oc.

Noo Mian 23:23

Smerg diu scrudeyryn as Phariseeyn, chrauee-oalsey; son ta shiu geeck jaghee jeh mynthey, anise as cummin, agh cha vel shiu er chooilleeney currymyn s’ymmyrchee yn leigh, cairys, myghin as firrinys: ad shoh lhisagh shiu v’er n’yannoo, fegooish y chooid elley y aagail gyn jannoo.

Noo Luke 11:42

Agh smerg diuish Phariseeyn: son ta shiu jagheenys mynthey, rue, as dy chooilley horch dy lossreeyn, agh s’beg ta shiu soiaghey jeh briwnys as graih Yee: ad shoh lhisagh shiu v’er n’yannoo, gyn faagail y chooid elley gyn jannoo.

Jannoo 20:20

As kys nagh dreill mee back nhee erbee veagh vondeishagh diuish, agh hoilshee mee diu, as dynsee mee shiu dy foshlit, as veih thie dy thie,

Jannoo 20:27

Son cha vel mee er haghney dy hoilshaghey diu slane coyrle Yee.

Deuteronomy 12:32

Cre-erbee ta mee dy harey diu, gow-jee tastey dy yannoo eh: cha der shiu veg huggey, ny veg y ghoaill veih.

Deuteronomy 31:3

Yn Chiarn dty Yee, eshyn hed harrish royd, as nee eh stroie ny ashoonyn shoh royd, as ver eh uss nyn ynnyd; as bee Joshua dty leeideilagh harrish, myr ta’n Chiarn er ghra.

Deuteronomy 31:5

As nee’n Chiarn ad y livrey seose diu, dy vod shiu jannoo roo, cordail rish ooilley ny ta mee er harey diu.

Deuteronomy 31:7

As deïe Moses er Joshua, as dooyrt eh rish, ayns clashtyn ooilley Israel, Bee lajer as dunnal; son shegin dhyt’s goll marish y pobble shoh gys y cheer, ta’n Chiarn er vreearrey da nyn ayraghyn dy choyrt daue: as ver uss ad ayns possession.

Deuteronomy 4:2

Cha jean shiu nhee erbee y choyrt huggey, ny goaill voish y goo ta mee dy harey diu, dy vod shiu freayll annaghyn y Chiarn nyn Yee, ta mish dy harey diu.

Deuteronomy 4:5

Cur-my-ner, ta mee er choyrt reue slattyssyn as briwnyssyn, eer myr ta’n Chiarn my Yee er m’y harey, dy jinnagh shiu nyn lurg ayns y cheer, raad ta shiu goll dy ghoaill possession jeh.

Deuteronomy 7:2

As erreish da’n Chiarn v’er livrey ad dhyt: nee oo nyn mwoalley, as nyn stroie dy bollagh, cha jean oo conaant erbee roo, ny myghin y hoilshaghey daue:

Joshua 1:7

Ynrycan bee jeh cree mie as feer dunnal, dy vod oo cur tastey dy yannoo cordail rish ooilley’n leigh hug Moses my harvaant ayns currym dhyt: ny chyndaa veih gys y laue yesh ny gys y laue hoshtal, dy vod oo bishaghey cre-erbee yn raad t’ou goll.

Joshua 11:12

As ooilley ard-valjyn ny reeaghyn shen, as ooilley ny reeaghyn oc, ren Joshua ’ghoaill, as woaill eh ad lesh foyr y chliwe; as stroie eh ad dy bollagh, myr va Moses sharvaant y Chiarn er harey.

Joshua 11:14

As slane spooilley ny ard-valjyn shoh, as y maase, ren cloan Israel y ghoaill son cooid daue hene; agh varr ad dy chooilley ghooinney lesh foyr y chliwe, derrey v’ad er stroie ad, chamoo daag ad veg jeu bio.

Joshua 11:16

Myr shoh ghow Joshua ooilley’n cheer shen, ny croink, as ooilley’n cheer jiass, as ooilley cheer Ghoshen, as y coan, as y strah, as slieau Israel, as y ghlione echey;

1 Samuel 15:11

Ta mee chaghlaa my aigney noi Saul dy vel mee er hoiaghey seose eh dy ve ny ree: son t’eh er choyrt cooyl rhym, as cha vel eh er chooilleeney my harey. As va shoh trimshey mooar da Samuel; as deïe eh gys y Chiarn fud-ny-hoie.