Joshua 11:14 - Yn Vible Casherick 1775 1819

¹⁴ As slane spooilley ny ard-valjyn shoh, as y maase, ren cloan Israel y ghoaill son cooid daue hene; agh varr ad dy chooilley ghooinney lesh foyr y chliwe, derrey v’ad er stroie ad, chamoo daag ad veg jeu bio.

Joshua 11:14 ပူးပေါင်းရင်းမြစ်များ

2 Recortyssyn 20:25

As tra haink Jehoshaphat as e phobble dy hroggal y spooilley, hooar ad palchey mooar berchys, as jewellyn costal er ny merriu (ren ad y roostey daue hene) ny smoo na oddagh ad coyrt lhieu; as va’n spooilley wheesh, dy row ad three laa dy haglym eh.

Earrooyn 31:9

As ghow cloan Israel ooilley mraane Vidian nyn gappeeyn, as y chloan veggey oc, as ghow ad ayns spooilley ooilley’n ollagh, as ooilley ny shioltaneyn, as ooilley’n chooid oc.

Deuteronomy 20:14

Agh ny mraane, as y chloan, as y maase, as ooilley ny t’ayns yn ard-valley, eer ooilley yn spooilley echey, nee oo goaill dhyt hene: as freayll dty chour hene spooilley dty noidyn, ta’n Chiarn dty Yee er choyrt dhyt.

Deuteronomy 20:16

Agh jeh ard-valjyn y pobble shoh, ta’n Chiarn dty Yee dy choyrt dhyt son eiraght, cha jean oo sauail bio cretoor dy vel ennal ayn:

Joshua 10:40

Myr shoh ren Joshua bwoalley ooilley cheer ny sleityn, as y jiass, as y choan, as cheer ny farraneyn, as ooilley ny reeaghyn oc: cha daag eh veg er-mayrn; agh stroie eh dy bollagh dy chooilley chretoor bio, myr va’n Chiarn Jee Israel er harey.

Joshua 11:11

As woaill eh ooilley ny anmeenyn v’ayn lesh foyr y chliwe, stroie ad dy bollagh: cha row veg faagit bio: as losht eh Hazor lesh aile.

Joshua 11:13

Agh son ny ard-valjyn shen va foast faagit shassoo ayns nyn niart, cha losht Israel veg jeu, er-lhimmey jeh Hazor hene; shen ren Joshua lostey.

Joshua 11:15

Myr hug y Chiarn currym er Moses e harvaant, shen myr hug Moses currym er Joshua, as shen myr ren Joshua; cha daag eh veg giare jeh ooilley ny va’n Chiarn er harey da Moses.

Joshua 8:2

As nee oo rish Ai as rish y ree eck, myr t’ou er n’yannoo rish Jericho as rish e ree: ynrycan yn spooilley, as yn ollagh eck, nee shiu goaill son cragh diu hene: cur deiney dy lhie cooyl-chlea noi’n ard-valley cheu e cooylloo.

Joshua 8:27

Ynrycan maase as spooilley’n ard-valley shen, ghow Israel daue hene, cordail rish raa’n Chiarn, v’eh er harey da Joshua.