Joshua 11:11 - Yn Vible Casherick 1775 1819

¹¹ As woaill eh ooilley ny anmeenyn v’ayn lesh foyr y chliwe, stroie ad dy bollagh: cha row veg faagit bio: as losht eh Hazor lesh aile.

Joshua 11:11 ပူးပေါင်းရင်းမြစ်များ

Deuteronomy 20:16

Agh jeh ard-valjyn y pobble shoh, ta’n Chiarn dty Yee dy choyrt dhyt son eiraght, cha jean oo sauail bio cretoor dy vel ennal ayn:

Deuteronomy 3:7

Agh ooilley’n maase, as cragh ny ard-valjyn, ghow shin son spooilley dooin hene.

Deuteronomy 7:2

As erreish da’n Chiarn v’er livrey ad dhyt: nee oo nyn mwoalley, as nyn stroie dy bollagh, cha jean oo conaant erbee roo, ny myghin y hoilshaghey daue:

Joshua 10:40

Myr shoh ren Joshua bwoalley ooilley cheer ny sleityn, as y jiass, as y choan, as cheer ny farraneyn, as ooilley ny reeaghyn oc: cha daag eh veg er-mayrn; agh stroie eh dy bollagh dy chooilley chretoor bio, myr va’n Chiarn Jee Israel er harey.

Joshua 6:21

As stroie ad dy bollagh ooilley ny v’ayns yn ard-valley, chammah dooinney as ben, aeg as shenn, as dow, as keyrrey, as assyl, lesh foyr y chliwe.

Joshua 6:24

As ren ad yn ard-valley y lostey lesh aile, as ooilley ny v’ayn: ynrycan yn argid, as yn airh, as ny siyn prash as yiarn, hug ad lhieu gys stoyr thie’n Chiarn.