Joshua 10:7 - Yn Vible Casherick 1775 1819

⁷ Er shoh hie Joshua seose veih Gilgal, eh-hene as ooilley y slane sheshaght-caggee mârish, as ooilley ny ard-gheiney niartal.

Joshua 10:7 ပူးပေါင်းရင်းမြစ်များ

Isaiah 8:12

Ny abbyr-jee, Nee mayd conaant roosyn ooilley, nee’n pobble shoh conaant roo; ny gow-jee aggle roish yn aggle ocsyn, chamoo bee-jee fo atchim.

Isaiah 8:14

As bee eh diuish son coadey casherick; agh son clagh-snapperal, as son creg vees oyr tuittym, gys daa hie Israel; son sniem, as son ribbey, da cummaltee Yerusalem.

Joshua 10:6

As hug deiney Ghibeon fys gys Joshua gys y champ ec Gilgal, gra, Ny bee lhag-lauee rish dty harvaantyn; tar seose hooin ayns dy chooilley hiyr, as saue shin, as cooin lhien: son ta ooilley reeaghyn ny Amoriteyn ta cummal ayns ny sleityn er nyn jaglym cooidjagh nyn ’oï.

Joshua 8:1

As dooyrt y Chiarn rish Joshua, Ny bee aggle ort, chamoo lhig sheese dty chree: gow mayrt ooilley ny deiney caggee, as trog ort, immee seose noi Ai: jeeagh, ta mee er livrey gys dty laue ree Ai, as e phobble, as e ard-valley, as e heer.

Joshua 8:3

Er shoh hrog Joshua er, as ooilley ny deiney caggee, dy gholl seose noi Ai: as ren Joshua reih magh jeih thousaneyn as feed dy gheiney-caggee niartal, as hug eh ad magh ’syn oie.