Joshua 10:40 - Yn Vible Casherick 1775 1819

⁴⁰ Myr shoh ren Joshua bwoalley ooilley cheer ny sleityn, as y jiass, as y choan, as cheer ny farraneyn, as ooilley ny reeaghyn oc: cha daag eh veg er-mayrn; agh stroie eh dy bollagh dy chooilley chretoor bio, myr va’n Chiarn Jee Israel er harey.

Joshua 10:40 ပူးပေါင်းရင်းမြစ်များ

1 Reeaghyn 15:29

As haink eh gy-kione, tra v’eh reill, dy yiare eh jeh ooilley thie Yeroboam; cha daag eh da Jeroboam unnane bio, nagh ren eh stroie, cordail rish raa’n Chiarn, ren eh loayrt liorish e harvaant Ahijah yn Shilonite:

Nehemiah 9:24

Myr shen hie’n chloan oc stiagh, as ghow ad possession jeh’n cheer, as hug oo fo-chosh cummaltee cheer ny Canaaniteyn, as livrey oo ad gys ny laueyn oc, marish nyn reeaghyn, as pobble y cheer, dy yannoo roo myr bailloo.

Psalmyn 9:17

Bee ny drogh-yantee er nyn jyndaa gys niurin: as ooilley yn sleih ta jarrood Jee.

Exodus 34:12

Bee er dty hwoaie, nagh jean oo conaant rish cummaltee’n cheer raad t’ou goll, er-aggle dy bee eh ribbeh dy hayrn peccah ort.

Earrooyn 13:17

As hug Moses ad magh dy scrial dy follit cheer Chanaan, as dooyrt eh roo, Immee-jee seose yn raad shoh my-yiass; as gow-jee seose raad y clieau:

Deuteronomy 1:7

Chyndaa-jee, as gow-jee nyn yurnah, as immee-jee, gys cheer-ard ny Amoriteyn, as gys ooilley ny ynnydyn t’er-gerrey da, ’sy thalloo-rea, ayns ny croink, as ’sy choan, as ayns y jiass, as rish oirr ny marrey, gys cheer ny Canaaniteyn, as gys Lebanon, gys yn awin mooar shen, awin Euphrates.

Deuteronomy 2:34

As ghow shin ooilley e ard-valjyn ec y traa cheddin, as stroie shin dy bollagh ny deiney, as ny mraane, as cloan veggey dy chooilley ard-valley; cha daag shin veg er-mayrn:

Deuteronomy 7:24

As nee eh ny reeaghyn oc y livrey gys dty laue, as nee uss dolley nyn enmyn fo niau: cha jarg dooinney jeu shassoo royd, derrey t’ou er stroie ad.

Joshua 10:35

As ghow ad eh yn laa shen, as woaill ad eh lesh foyr y chliwe; as ooilley ny cummaltee v’ayn stroie eh dy bollagh yn laa cheddin, cordail rish ooilley ny v’eh er n’yannoo rish Lachish.

Joshua 10:37

As ghow ad eh, as woaill ad eh lesh foyr y chliwe, as yn ree echey, as ooilley ny ard-valjyn, as ooilley ny cummaltee v’ayndoo; cha daag eh veg er-mayrn, cordail rish ooilley, ny v’eh er n’yannoo rish Eglon; agh stroie eh dy bollagh eh, as ooilley ny cummaltee v’ayn.

Joshua 10:39

As ghow eh eh, as y ree, as ooilley ny ard-valjyn echey; as woaill eh ad lesh foyr y chliwe, as stroie eh dy bollagh ooilley ny cummaltee v’ayndoo; cha daag eh veg er-mayrn: myr v’eh er n’yannoo rish Hebron, lheid cheddin ren eh rish Debir, as e ree; myr v’eh er n’yannoo rish Libnah, as e ree.

Joshua 11:16

Myr shoh ghow Joshua ooilley’n cheer shen, ny croink, as ooilley’n cheer jiass, as ooilley cheer Ghoshen, as y coan, as y strah, as slieau Israel, as y ghlione echey;

Joshua 12:8

Ayns ny sleityn, as ny coanyn, as ny strahghyn, as ny farraneyn, as ’syn aasagh, as ayns y cheer-jiass; ny Hittiteyn, ny Amoriteyn, as ny Canaaniteyn, ny Perizziteyn, ny Hiviteyn, as ny Jebusiteyn.

Joshua 18:21

Nish ard-valjyn tribe cloan Venjamin, cordail rish ny kynneeyn oc, va Jericho, as Beth-hoglah, as coan Keziz,

Joshua 6:17

As bee’n ard-valley hene, as ooilley ny t’ayn, fo mollaght gys y Chiarn: bioys Rahab yn ven-treoghe ny-lomarcan nee shiu y hauail, ish, as ooilley ny ta mâree ’sy thie; er-yn-oyr dy ren ee keiltyn ny chaghteryn ren shin y choyrt.

Joshua 8:2

As nee oo rish Ai as rish y ree eck, myr t’ou er n’yannoo rish Jericho as rish e ree: ynrycan yn spooilley, as yn ollagh eck, nee shiu goaill son cragh diu hene: cur deiney dy lhie cooyl-chlea noi’n ard-valley cheu e cooylloo.

Joshua 8:27

Ynrycan maase as spooilley’n ard-valley shen, ghow Israel daue hene, cordail rish raa’n Chiarn, v’eh er harey da Joshua.

Joshua 9:24

As dreggyr ad Joshua, as dooyrt ad, Son dy row eh er ny insh da dty harvaantyn son firrinys, dy row yn Chiarn dty Yee er harey e harvaant Moses dy choyrt diuish ooilley’n cheer shoh, as dy stroie dy bollagh ooilley cummaltee ny cheerey, shoh’n oyr va shin ayns aggle baaish reue, as shoh ta shin er n’yannoo.