Joshua 10:4 - Yn Vible Casherick 1775 1819

⁴ Tar-jee seose hym, as cooin-jee lhiam, dy stroie Gibeon: son te er n’yannoo shee rish Joshua as rish cloan Israel.

Joshua 10:4 ပူးပေါင်းရင်းမြစ်များ

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh-hene y obbal, as e chrosh y hroggal, as geiyrt orrym.

Noo Ean 15:19

Dy beagh shiuish jeh’n theihll, veagh y seihll graihagh er e vooinjer hene: agh son nagh vel shiu jeh’n theihll, agh dy vel mish er reih shiu ass y theihll, shen-y-fa ta dwoaie ec y theihll erriu.

Jannoo 21:28

Geamagh, Gheiney Israel, cooin-jee lhien: shoh’n dooinney ta gynsaghey dy chooilley ghooinney, ayns dy chooilley ynnyd noi yn pobble, as y leigh, as y boayl shoh; as ny sodjey na shen, t’eh er chur lesh Ashoonee stiagh ayns y chiamble, as er vee-ooashlaghey yn ynnyd casherick shoh.

2 Timothy 3:12

Dy jarroo, as shegin dauesyn ooilley ta shirrey dy vaghey dy crauee ayns Creest Yeesey, tranlaase y hurranse.

Jamys 4:4

Shiuish gheiney as vraane maarderee [spyrrydoil], nagh vel fys eu dy vel caarjys y theihll noidys rish Jee? quoi-erbee er-y-fa shen saillish ve ny charrey da’n seihll, t’eh noid Yee.

Joshua 10:1

Nish haink eh gy-kione, tra cheayll Adoni-zedeck ree Yerusalem dy row Joshua er ghoaill Ai, as er stroie eh dy bollagh; as dy row eh er n’yannoo rish Ai as e ree myr ren eh rish Jericho, as e ree; as dy row cummaltee Ghibeon er n’yannoo shee rish Israel, as baghey ny mast’ oc;

Joshua 10:5

Eisht va ny queig reeaghyn Amorite, ree Yerusalem, ree Hebron, ree Yarmuth, ree Lachish, ree Eglon, er nyn jaglym cooidjagh, as hie ad seose, adsyn as ooilley nyn sheshaghtyn-caggee, as champ ad kiongoyrt rish Gibeon, as ren ad caggey n’oï.

Joshua 9:15

As ren Joshua shee roo, as ren eh conaant roo, as hug eh nyn mioys daue; as ren princeyn y pobble breearrey dy reaylley’n chonaant.

1 Peddyr 4:4

Mychione oc t’ad goaill yindys nagh vel shiu roie mâroo gys y towse cheddin dy rouanys, loayrt dy olk jiuish:

Ashlish 16:14

Son spyrrydyn jouyil ad gobbraghey mirrilyn, ta goll magh gys reeaghyn y thallooin, as ooilley’n seihll, dy haglym ad gys caggey yn laa mooar shen jeh’n Ooilley-niartal Jee.