Joshua 10:3 - Yn Vible Casherick 1775 1819

³ Dy dug Adoni-zedeck ree Yerusalem, er-y-fa shen, chaghteraght gys Hoham ree Hebron, as gys Piram ree Yarmuth, as gys Japhia ree Lachish, as gys Debir ree Eglon, gra,

Joshua 10:3 ပူးပေါင်းရင်းမြစ်များ

Genesis 23:2

As hooar Sarah baase ayns Kirjath-arba; ta shen Hebron, ayns cheer Chanaan: as haink Abraham dy ghobberan, as dy cheayney son Sarah.

Genesis 37:14

As dooyrt eh rish, Immee, ta mee guee ort, jeeagh vel ooilley dy mie marish dty vraaraghyn, as marish ny shioltaneyn; as cur lhiat fys hym’s reesht: Myr shen hug eh magh eh trooid coan Hebron, as haink eh gys Shechem.

2 Samuel 2:11

(As y traa va David ny ree ayns Hebron harrish thie Yudah, va shiaght bleeaney as shey meeaghyn.)

2 Reeaghyn 18:14

As hug Hezekiah ree Yudah chaghteraght gys ree Assyria gys Lachish, gra, Ta mee er n’yannoo dy aggairagh; chyndaa voym: shen ver oo orrym neem’s y chooilleeney. As doardee ree Assyria da Hezekiah ree Yudah, dy eeck three cheead talent dy argid as jeih talentyn as feed dy airh.

2 Reeaghyn 18:17

As hug ree Assyria Tartan, as Rabsaris, as Rab-shakeh, veih Lachish gys ree Hezekiah, lesh sheshaght-caggee mooar noi Jerusalem: as hie ad seose, as haink ad gys Jerusalem. As tra v’ad er jeet seose, haink ad as hass ad liorish coorse-ushtey yn loghan syrjey, ta er y raad-vooar liorish magher y ghialleyder.

2 Recortyssyn 11:9

As Adoraim, as Lachish, as Azekah,

Jeremiah 34:7

Tra ren sheshaghtyn-caggee ree Vabylon caggey noi Jerusalem, as noi ooilley ard-valjyn Yudah va er-mayrn, noi Lachish, as noi Azekah: (son va ny ard-valjyn voallit shoh er-mayrn jeh ard-valjyn Yudah.)

Micah 1:13

O uss chummaltagh Lachish, yok-jee yn ainagh gys y baagh gastey: t’eeish bun peccah gys inneen Zion: son va mee-viallys Israel er ny gheddyn aynyd.

Earrooyn 13:22

As hie ad seose my-yiass, as haink ad gys Hebron; raad va Ahiman, Sheshai, as Talmai mec Anak (nish va Hebron troggit shiaght bleeaney roish Zoan ayns Egypt.)

Joshua 10:1

Nish haink eh gy-kione, tra cheayll Adoni-zedeck ree Yerusalem dy row Joshua er ghoaill Ai, as er stroie eh dy bollagh; as dy row eh er n’yannoo rish Ai as e ree myr ren eh rish Jericho, as e ree; as dy row cummaltee Ghibeon er n’yannoo shee rish Israel, as baghey ny mast’ oc;

Joshua 10:23

As ren ad shen, as hug ad lhieu magh huggey ny queig reeaghyn shen ass yn ooig, ree Yerusalem, ree Hebron, ree Yarmuth, ree Lachish, as ree Eglon.

Joshua 10:34

As veih Lachish hie Joshua er e hoshiaght gys Eglon, as ooilley Israel mârish; as ren ad campal roish, as caggey n’oï.

Joshua 10:5

Eisht va ny queig reeaghyn Amorite, ree Yerusalem, ree Hebron, ree Yarmuth, ree Lachish, ree Eglon, er nyn jaglym cooidjagh, as hie ad seose, adsyn as ooilley nyn sheshaghtyn-caggee, as champ ad kiongoyrt rish Gibeon, as ren ad caggey n’oï.

Joshua 14:15

As va ennym Hebron roish shen Balley-arba, va’n Arba shoh ny ard-ghooinney mastey sluight Anak. As va shee ’sy cheer veih caggey.

Joshua 15:54

As Humtah, as Kirjath-arba, (ta shen Hebron,) as Zior; nuy baljyn-mooarey, marish nyn maljyn-beggey:

Joshua 15:63

Agh er son ny Jebusiteyn, cummaltee Yerusalem, cha yarg cloan Israel ad y eiyrt magh: agh ta ny Jebusiteyn cummal marish cloan Yudah ec Jerusalem, gys y laa jiu.

Joshua 18:28

As Zelah, as Eleph, as Jebusi, (ta shen Jerusalem,) Gibeath, as Kirjath; kiare ard-valjyn jeig, marish nyn maljyn-beggey. Shoh eiraght cloan Venjamin, cordail rish nyn gynneeyn.