Joshua 10:28 - Yn Vible Casherick 1775 1819

²⁸ Ec y traa cheddin ghow Joshua Makkedah, as woaill eh eh lesh foyr y chliwe, as stroie eh dy bollagh yn ree echey, as ooilley ny cummaltee v’ayn; cha daag eh veg er-mayrn: as ren eh rish ree Makkedah myr ren eh rish ree Yericho.

Joshua 10:28 ပူးပေါင်းရင်းမြစ်များ

Psalmyn 110:1

Dooyrt y Chiarn rish my Hiarn’s: Soie uss er my laue yesh, derrey nee’m dty noidyn y yannoo stoyl dty choshey.

Noo Luke 19:27

Agh ad shen my noidyn nagh bailliu mish dy reill harrystoo, cur-jee lhieu ad ayns shoh, as cur-jee ad gy-baase kiongoyrt rhym.

1 Corinthianee 15:25

Son shegin dasyn reill derrey t’eh er choyrt ooilley e noidyn fo-chosh.

Deuteronomy 2:34

As ghow shin ooilley e ard-valjyn ec y traa cheddin, as stroie shin dy bollagh ny deiney, as ny mraane, as cloan veggey dy chooilley ard-valley; cha daag shin veg er-mayrn:

Deuteronomy 7:16

As nee oo stroie ooilley ny ashoonyn, nee’n Chiarn dty Yee y livrey hood: cha bee chymmey ec dty hooill orroo: chamoo nee oo shirveish ny jeeghyn oc; son bee shen ny ribbeh dhyt.

Deuteronomy 7:2

As erreish da’n Chiarn v’er livrey ad dhyt: nee oo nyn mwoalley, as nyn stroie dy bollagh, cha jean oo conaant erbee roo, ny myghin y hoilshaghey daue:

Joshua 10:30

As livrey yn Chiarn eh myrgeddin, as y ree echey, gys laue Israel; as woaill eh eh lesh foyr y chliwe, as ooilley ny cummaltee v’ayn; cha daag eh veg bio ayn; agh ren eh rish y ree echey, myr ren eh rish ree Yericho.

Joshua 10:32

As livrey yn Chiarn Lachish gys laue Israel, ghow eh er yn nah laa, as woaill ad eh lesh foyr y chliwe, as ooilley ny cummaltee v’ayn, cordail rish ooilley v’eh er n’yannoo rish Libnah.

Joshua 10:35

As ghow ad eh yn laa shen, as woaill ad eh lesh foyr y chliwe; as ooilley ny cummaltee v’ayn stroie eh dy bollagh yn laa cheddin, cordail rish ooilley ny v’eh er n’yannoo rish Lachish.

Joshua 10:37

As ghow ad eh, as woaill ad eh lesh foyr y chliwe, as yn ree echey, as ooilley ny ard-valjyn, as ooilley ny cummaltee v’ayndoo; cha daag eh veg er-mayrn, cordail rish ooilley, ny v’eh er n’yannoo rish Eglon; agh stroie eh dy bollagh eh, as ooilley ny cummaltee v’ayn.

Joshua 10:39

As ghow eh eh, as y ree, as ooilley ny ard-valjyn echey; as woaill eh ad lesh foyr y chliwe, as stroie eh dy bollagh ooilley ny cummaltee v’ayndoo; cha daag eh veg er-mayrn: myr v’eh er n’yannoo rish Hebron, lheid cheddin ren eh rish Debir, as e ree; myr v’eh er n’yannoo rish Libnah, as e ree.

Joshua 12:15

Ree Libnah, unnane; ree Adullam, unnane;

Joshua 12:16

Ree Vakkedah, unnane; ree Veth-el, unnane;

Joshua 15:41

As Gederoth, as Beth-dagon, as Naamah, as Makkedah; shey baljyn jeig mooarey, marish nyn maljyn-beggey:

Joshua 6:21

As stroie ad dy bollagh ooilley ny v’ayns yn ard-valley, chammah dooinney as ben, aeg as shenn, as dow, as keyrrey, as assyl, lesh foyr y chliwe.

Joshua 8:2

As nee oo rish Ai as rish y ree eck, myr t’ou er n’yannoo rish Jericho as rish e ree: ynrycan yn spooilley, as yn ollagh eck, nee shiu goaill son cragh diu hene: cur deiney dy lhie cooyl-chlea noi’n ard-valley cheu e cooylloo.

Joshua 9:3

As tra cheayll cummaltee Ghibeon jeh ny va Joshua er n’yannoo rish Jericho as rish Ai,