Joshua 10:26 - Yn Vible Casherick 1775 1819

²⁶ As lurg shen ren Joshua ad y woalley, as y varroo, as chrogh eh ad er queig biljyn: as v’ad croghey er ny biljyn derrey’n astyr.

Joshua 10:26 ပူးပေါင်းရင်းမြစ်များ

2 Samuel 21:6

Lhig da shiaght deiney jeh e vec ve er ny livrey hooin, as crogh mayd ad seose son lhiasaghey fenish y Chiarn, ayns Gibeah jeh Saul, ren y Chiarn y reih. As dooyrt y ree, Ver-ym diu ad.

2 Samuel 21:9

As livrey eh ad gys laue ny Gibeoniteyn, as ren ad croghey ad er y chronk kiongoyrt rish y Chiarn: as huitt ooilley’n shiaght cooidjagh, as v’ad er nyn goyrt gy-baase ayns laghyn yn ouyr, er ny chied laghyn, ayns toshiaght y fouyr-oarn.

Esther 2:23

As tra va briaght jeant ’sy chooish, ve er ny gheddyn magh; v’ad ny-neesht, er-y-fa shen, croghit er billey: as ve scruit ayns lioar ny recortyssyn fenish y ree.

Psalmyn 149:7

Dy ghoaill cooilleeney er ny ashoonee: as dy cherraghey yn pobble;

Psalmyn 18:41

Nee ad geamagh, agh cha bee unnane dy chooney lhieu: dy jarroo gys y Chiarn, nee ad geamagh, agh cha der eh clashtyn daue.

Earrooyn 25:4

As dooyrt y Chiarn rish Moses, Gow ooilley leeideilee yn pobble (’sy pheccah shoh) as crogh ad seose fenish y Chiarn noi’n ghrian, dy vod corree trome y Chiarn ve er ny hyndaa ersooyl veih Israel.

Noo Mian 27:25

Eisht dansoor ooilley yn pobble, gra, Yn uill echey dy row orrinyn, as er nyn gloan.

Noo Ean 19:31

Shen-y-fa son dy nee laa yn aarlaghey ve, as nagh beagh ny kirp er y chrosh er laa yn doonaght (son va’n doonaght shen ny ard-laa) ghuee ny Hewnyn er Pilate, ny lurgaghyn oc dy ve brisht, as ad dy ve goit ersooyl.

Galatianee 3:13

Ta Creest er livrey shin veih mollaght y leigh, eh-hene jeant ny vollaght er nyn son: son te scruit, Cursit ta dagh unnane ta croghey er billey:

Joshua 8:29

As ree Ai ren ad y chroghey er billey derrey’n astyr: as ec lhie ny greiney, doardee Joshua yn corp dy ve goit neose jeh’n villey, as dy hilgey eh rish giat yn ard-valley, as dy hroggal harrish cayrn mooar cloaie, ta er-mayrn gys y laa jiu.

Briwnyn 8:21

Eisht dooyrt Zebah as Zalmunna, Trog hene ort, as tuitt orrin: son myr ta’n dooinney, myrgeddin ta e niart. As dirree Gideon, as varr eh Zebah as Zalmunna, as ghow eh ny colliaryn aalin va mysh mwannallyn ny camelyn oc.

1 Samuel 15:33

As dooyrt Samuel, Myr ta dty chliwe er n’yannoo mraane gyn cloan, shen myr vees dty voir fegooish cloan mastey mraane. As yiare Samuel Agag ayns peeshyn kiongoyrt rish y Chiarn ayns Gilgal.