Joshua 10:24 - Yn Vible Casherick 1775 1819

²⁴ As haink eh gy-kione, tra hug ad lhieu magh ny queig reeaghyn shoh gys Joshua, dy deïe Joshua er ooilley deiney Israel, as dooyrt eh rish captanyn ny deiney caggee hie mârish; Tar-jee er-gerrey, as cur-jee nyn gassyn er mwannallyn ny reeaghyn shoh. As haink ad er-gerrey, as hug ad nyn gassyn er ny mwannallyn oc.

Joshua 10:24 ပူးပေါင်းရင်းမြစ်များ

2 Samuel 22:39

As ta mee er stroie ad, as er lhottey ad, nagh voddagh ad girree: dy feer, t’ad er duittym fo my chassyn.

2 Samuel 22:41

T’ou er choyrt dou myrgeddin mwannallyn my noidyn, dy voddin stroie adsyn ta dwoaie oc orrym.

Psalmyn 107:40

Ga dy vel eh surranse ad dy gheddyn drogh ghellal veih reiltee tranlaasagh: as lhiggey daue goll er-shaghryn jeh’n raad ayns yn aasagh;

Psalmyn 110:1

Dooyrt y Chiarn rish my Hiarn’s: Soie uss er my laue yesh, derrey nee’m dty noidyn y yannoo stoyl dty choshey.

Psalmyn 110:5

Nee’n Chiarn er dty laue yesh: eer reeaghyn y chur mow ayns laa e yymmoose.

Psalmyn 18:40

T’ou er choyrt er my noidyn neesht dy chur cooyl rhym: as neem’s adsyn y stroie ta dwoaie oc orrym.

Psalmyn 91:13

Nee oo shooyl er y lion, as yn adder: stampee oo yn lion aeg as y dragon fo dty chassyn.

Isaiah 51:23

Agh ver-yms eh ayns y laue ocsyn ta dy dty heaghney; ta er ghra rish dty annym, Croym sheese, dy vod mayd goll harrish: as t’ou er lhie dty chorp dy ve myr y thalloo, as myr y straïd, dauesyn hie harrish.

Malachi 4:3

As ver shiu fo-chosh ny mee-chrauee; as bee ad myr joan fo nyn moynyn, ayns y laa neem’s shoh, ta Chiarn ny flaunyssee dy ghra.

Romanee 16:20

As nee’n Jee dy hee dy gerrit Noid-ny-hanmey y vroo fo nyn gassyn. Grayse nyn Jiarn Yeesey Creest dy row mêriu. Amen.

Deuteronomy 33:29

S’maynrey t’ou, O Israel! quoi ta goll rhyt’s, O phobble ta fo coadey’n Chiarn, eilley-caggee dty chooney, as cliwe dty ard-ooashley! as bee dty noidyn er nyn goyrt foyd, as nee oo stampey er ny ynnydyn ardey oc.

Hebrewnee 1:13

Agh rish quoi jeh ny ainleyn dooyrt eh ec traa erbee, Soie er my laue yesh, derrey nee’m dty noidyn y yannoo stoyl dty choshey?

Briwnyn 8:20

As dooyrt eh rish Jether e vac shinney, Seose oo, as cur dy baase ad: agh cha hayrn y scollag e chliwe: son va aggle er, er-yn-oyr dy row eh foast agh aeg.