Joshua 10:19 - Yn Vible Casherick 1775 1819

¹⁹ As ny fuirree-jee shiuish agh gow-jee er-eiyrt’s nyn noidyn, as stroie-jee ad ayns chea; ny lhig-jee daue cosney stiagh ayns ny ard-valjyn oc: son ta’n Chiarn y jee euish er livrey ad gys nyn laue.

Joshua 10:19 ပူးပေါင်းရင်းမြစ်များ

2 Samuel 17:13

As abbyr dy vel eh er chosney gys ard-valley ennagh, eisht ver ooilley lhieu jeshaghtyn caggee gys yn ard-valley shen, as nee ad tayrn eh lesh teddyn ’syn awin, derrey nagh bee’n chlagh sloo faagit.

2 Samuel 20:6

As dooyrt David rish Abishai, Nish nee Sheba mac Bichri ny smoo dy aggair dooin na ren Absalom: gow uss sharvaantyn dty hiarn, as immee er e eiyrt’s, er-aggle dy vow eh stiagh ayns ard-valjyn voallit, as dy gossyn eh voïn.

Jeremiah 48:10

Cursit dy row eshyn ta jannoo obbyr y Chiarn dy molteyragh, as mollaght dy row ersyn ta lhiettal e chliwe veih fuill.

Jeremiah 8:14

Kys dy vel shin soie myr shoh? chaggle-jee shiu hene, as lhig dooin cosney stiagh gys ny ard-valjyn voallit, as lhig dooin ve nyn dhost ayns shen; son ta’n Chiarn nyn Yee er choyrt shin nyn dhost, as er chur dooin ushtey galley dy iu, er-yn-oyr dy vel shin er n’yannoo peccah noi’n Chiarn.

Joshua 10:18

As dooyrt Joshua, Rowl-jee claghyn mooarey er beeal yn ooig, as cur-jee deiney liorish son gard orroo.

Joshua 10:20

As haink eh gy-kione, erreish da Joshua as cloan Israel v’er stroie ad lesh cragh trome, derrey v’ad er nyn goyrt mow, dy chossyn ny va er-mayrn jeu stiagh ayns ard-valjyn fencit.