Joshua 10:13 - Yn Vible Casherick 1775 1819

¹³ As hass y ghrian myr ve, as va’n eayst er ny lhiettal, derrey va’n pobble er ghoaill cooilleeney er nyn noidyn. Nagh vel shoh scruit ayns lioar Yasher? Myr shen hass y ghrian ayns mean yn aer, as cha row siyr er dy gholl sheese mysh slane laa.

Joshua 10:13 ပူးပေါင်းရင်းမြစ်များ

2 Samuel 1:18

(As hug eh currym orroo dy ynsaghey use y vhow da cloan Yudah: cur-my-ner, te scruit ayns lioar Yasher:)

2 Reeaghyn 20:10

As dreggyr Hezekiah, Cha vel eh agh red aashagh da’n scadoo dy gholl sheese jeih ayrnyn, agh lhig da’n scadoo goll back jeih ayrnyn.

Esther 8:13

Va copy jeh’n order son sarey dy ve er ny choyrt ayns dy chooilley rheam, focklit magh gys dy chooilley phobble: as dy beagh ny Hewnyn aarloo ry-hoi yn laa shen, dy ghoaill cooilleen er nyn noidyn:

Lioar Yob 9:7

Ta cur y ghrian fo harey, as cha vel eh girree; as ta sealal seose ny rollageyn;

Psalmyn 148:3

Moylley-jee eh, ghrian as eayst: moylley-jee eh, ooilley shiuish rollageyn as soilshey.

Psalmyn 19:4

Ta’n sheean oc er gholl magh gys dy chooilley heer: as ny goan oc gys ny ardjyn sodjey magh jeh’n theihll.

Isaiah 24:23

Eisht bee yn eayst fo dorraghys, as bee yn ghrian fo dooid, tra nee Chiarn ny flaunyssee reill ayns cronk Zion, as ayns Jerusalem, as kiongoyrt rish e hanstyr, dy gloyroil.

Isaiah 38:8

Cur-my-ner, ver-ym lhiam back scadoo ny hooryn, eer ny jeih ooryn, ta er n’gholl sheese er dial Ahaz. Myr shen hyndaa yn ghrian ny jeih ooryn back, lioroo v’eh er n’gholl sheese.

Joel 2:10

Nee yn thalloo craa kiongoyrt roo, bee ny niaughyn er-creau; hig dorraghys er y ghrian as yn eayst, as cha geau ny rollageyn nyn soilshey.

Joel 2:31

Bee yn ghrian er ny hyndaa gys dorraghys, as yn eayst gys fuill, roish my jig laa mooar as atchimagh y Chiarn.

Joel 3:15

Bee yn ghrian as yn eayst fo dorraghys, as cha geau ny rollageyn nyn soilshey.

Habakkuk 3:11

Hass y ghrian, as yn eayst ayns nyn ynnyd: ec soilshey dty hideyn ren ad getlagh, as ec sollyssid dty shleiy soilsheanagh.

Earrooyn 21:14

Shen-y-fa te er ny imraa ayns lioar caggaghyn y Chiarn, Cre v’eh er n’yannoo ’syn Aarkey Jiarg, as ayns strooanyn Arnon,

Earrooyn 31:2

Gow cooilleeney son cloan Israel er ny Midianiteyn: lurg shen vees oo er dty haglym gys dty phobble.

Noo Mian 24:29

Chelleeragh lurg seaghyn ny laghyn shen, hig dorraghys er y ghrian, as cha der yn eayst e soilshey, as tuittee rollageyn yn aer, as bee pooaraghyn yn aer er nyn graa.

Noo Mian 5:45

Dy vod shiu ve cloan nyn Ayr t’ayns niau, son t’eshyn cur er e ghrian girree er mie as sie, as cur fliaghey neose er y vooinjer chairagh as neu-chairagh.

Noo Luke 18:7

As nagh jean Jee cooilleeney ass lieh e chloan reiht hene, ta geamagh huggey oie as laa, ga dy vel eh foddey lhiggey shaghey?

Jannoo 2:20

Bee yn ghrian er ny hyndaa gys dorraghys, as yn eayst gys fuill, roish my jig laa mooar as cronnal y Chiarn.

Joshua 10:11

As haink eh gy-kione, myr v’ad chea roish Israel, as goll sheese lesh Beth-horon, dy ren y Chiarn claghyn mooarey y hilgey neose orroo veih niau derrey Azekah, as varr eh ad: va ny smoo stroit lesh ny claghyn-sniaghtee ny va lesh cliwe cloan Israel.

Joshua 10:14

As cha row lheid y laa as y laa shen. Roish ny ny yeï, dy deaisht y Chiarn rish coraa dooinney: son ren y Chiarn caggey son Israel.

Ashlish 21:23

As cha row yn ard-valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.

Ashlish 6:10

As deïe ad lesh ard-choraa, gra, Caïd, O Hiarn, casherick as firrinagh, nagh vel uss briwnys as goaill cooilleeney son yn uill ain er fir-vaghee yn thallooin?

Ashlish 6:12

As honnick mee tra doshil eh yn cheyoo seal, as cur-my-ner, va craa mooar thallooin ayn, as haink y ghrian dy ve doo myr aanrit-sack geyshteenagh, as va’n eayst myr fuill:

Ashlish 8:12

As heid y chiarroo ainle, as va’n trass ayrn jeh’n ghrian fo dorraghys, as y trass ayrn jeh’n eayst, as y trass ayrn jeh ny rollageyn; ayns wheesh as dy row yn trass ayrn jeu fo dorraghys, as cha daink y laa rish son y trass ayrn jeh, as yn oie myrgeddin.

Briwnyn 16:28

As ren Samson padjer gys y Chiarn, as dooyrt eh, O Hiarn Yee, cooinee orrym, ta mee guee ort, as niartee mee, ta mee guee ort, agh yn un cheayrt shoh, O Yee, dy voddym, un cheayrt son ooilley, goaill cooilleeney er ny Philistinee, son my ghaa hooill.

Briwnyn 5:2

Cur-jee moylley da’n Chiarn son goaill cooilleeney da Israel, tra ren y pobble dy arryltagh chebbal ad hene.