Joshua 10:11 - Yn Vible Casherick 1775 1819

¹¹ As haink eh gy-kione, myr v’ad chea roish Israel, as goll sheese lesh Beth-horon, dy ren y Chiarn claghyn mooarey y hilgey neose orroo veih niau derrey Azekah, as varr eh ad: va ny smoo stroit lesh ny claghyn-sniaghtee ny va lesh cliwe cloan Israel.

Joshua 10:11 ပူးပေါင်းရင်းမြစ်များ

Genesis 19:24

Eisht gheayrt y Chiarn er Sodom as er Gomorrah brimstone as aile veih’n Chiarn ass niau.

2 Samuel 18:8

Son ren y caggey skeayley harrish eaghtyr ooilley’n cheer: as ren y cheyll stroie ny smoo jeh’n pobble er y laa shen na ren y cliwe.

Lioar Yob 38:22

Vel uss er n’gholl stiagh gys tashtaghyn y sniaghtey? ny vel oo er vakin creaghyn y sniaghtey-garroo,

Lioar Yob 38:23

Shen ny ta mee er reayll ry-hoi earish seaghyn, ry-hoi laa cragh as caggey?

Psalmyn 11:6

Ta’n Chiarn lowal jeh’n sleih cairagh: agh ta dwoaie ec e annym er y vee-chrauee, as ersyn ta shleeuit er olkys.

Psalmyn 147:17

T’eh ceau magh e rio ayns peeshyn mynney: quoi ta abyl dy hurranse y feayraght echey?

Isaiah 28:2

Cur-my-ner, t’ec y Chiarn fer trean as niartal, nee, myr dorrin dy chlaghyn sniaghtee, as sterrym stroialtagh, myr thooilley dy ushtaghyn niartal lhieeney harrish, ad y hilgey sheese gys y thalloo lesh yn laue.

Isaiah 28:21

Son nee yn Chiarn troggal er myr ayns cronk Pherazim, bee eh jymmoosagh myr ayns coan Ghibeon, dy yannoo e obbyr, e obbyr yindyssagh; as dy chooilleeney e yannoo, e yannoo yindyssagh.

Isaiah 30:30

As ver y Chiarn er e choraa gloyroil dy ve er ny chlashtyn, as nee eh soilshaghey trimmid atchimagh e roih, lesh eulys e yymmoose, as lesh lossey dy aile stroialtagh, lesh geay-chassee, as dorrin, as claghyn-sniaghtee.

Ezekiel 13:11

Abbyr roosyn ta dy laa eh lesh morter dyn-bree, Dy jean eh tuittym: hig thooilley hrome-liaghee, as tuittee shiuish, O chlaghyn mooarey sniaghtee, as nee geay rastagh eh y scoltey.

Deuteronomy 20:4

Son ta’n Chiarn nyn Yee eshyn ta goll mêriu, dy chaggey er nyn son noi nyn noidyn, dy hauail shiu.

Ashlish 11:19

As va chiamble Yee er ny osley ayns niau, as va arg e chonaant er ny akin ayns e hiamble: as va tendreilyn, as coraaghyn, as taarnaghyn, as craa-hallooin, as claghyn mooarey sniaghtee.

Ashlish 16:21

As huitt er deiney claghyn-sniaghtee mooar garroo veih niau, dy chooilley chlagh mysh trimmid talent: as ren deiney Jee y oltooaney er coontey kerraghey’n sniaghtey-garroo; son va’n chragh ren eh erskyn-towse trome.

Briwnyn 5:20

Ren ny niaughyn caggey; ren ny rollageyn ayns nyn goorse caggey noi Sisera.