Joshua 1:9 - Yn Vible Casherick 1775 1819

⁹ Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 1:9 ပူးပေါင်းရင်းမြစ်များ

Genesis 28:15

As cur-my-ner, ta mish mayrt, as neem’s oo y reayll, ayns dy chooilley ynnyd raad t’ou goll, as ver-ym lhiam oo reesht gys y cheer shoh: son cha dreig-ym oo, derrey vee’m er chooilleeney shen, my-e-chione ta mee er loayrt rhyt.

Genesis 39:2

As va’n Chiarn marish Joseph, as v’eh ny ghooinney haink dy chooilley nhee lesh, as v’eh ayns thie e vainshtyr yn Egyptian.

Genesis 39:3

As hug e vainshtyr tastey dy row’n Chiarn mârish, as dy dug y Chiarn er ooilley ny v’eh cur rish, dy vishaghey fo e laue.

2 Samuel 13:28

Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

1 Recortyssyn 28:20

As dooyrt David rish Solomon e vac, Bee dunnal, as creeoil, as jean eh: ny bee fo aggle ny imnea; son bee’n Chiarn Jee, eer y Jee aym’s mayrt, cha jean eh failleil ny treigeil oo, agh ver oo kione er ooilley’n obbyr son shirveish thie’n Chiarn.

2 Recortyssyn 15:7

Bee-jee dunnal er-y-fa shen, as ny bee-jee lhag-laueeagh: son bee nyn obbyr er ny chooilleeney.

Psalmyn 46:7

Ta’n Chiarn dy heshaght-chaggee flaunys mârin: she Jee Yacob yn chemmyrk ain.

Isaiah 41:10

Ny bee aggle ort, son ta mish mayrt; ny bee lhag-chreeagh, son mish y Jee ayd’s: nee’m dty niartaghey; dy feer, neem’s cooney lhiat; neem’s dy jarroo uss y reir lesh laue yesh my ynrickys.

Isaiah 43:1

Agh nish, ta’n Chiarn ren dty chroo gra, O Yacob, as eshyn ren dty chummey, O Israel, Ny bee aggle ort; son ta mee er dty eaysley; t’ou uss enmyssit orrym’s, t’ou uss lhiam’s.

Isaiah 43:5

Ny bee aggle ort, son ta mee mayrt: ver-yms lhiam dty luight veih’n niar, as chaglym oo veih’n neear;

Isaiah 8:12

Ny abbyr-jee, Nee mayd conaant roosyn ooilley, nee’n pobble shoh conaant roo; ny gow-jee aggle roish yn aggle ocsyn, chamoo bee-jee fo atchim.

Daniel 10:19

As dooyrt eh, O ghooinney ard-ennoil, ny bee aggle ort, shee dy row hood, bee er dty gherjaghey, as bee eer er dty niartaghey. As tra v’eh er loayrt rhym, va mee er my niartaghey, as dooyrt mee, Lhig da my hiarn loayrt; son t’ou er my niartaghey.

Haggai 2:4

As nish, bee uss dunnal, O Zerubbabel, ta’n Chiarn dy ghra, as bee uss dunnal, O Yoshua, mac Yosedech, yn ard-saggyrt, as bee-jee dunnal, ooilley shiuish phobble y cheer, ta’n Chiarn dy ghra, as lhie-jee rish yn obbyr: son ta mish mêriu, ta Chiarn ny flaunyssee dy ghra.

Haggai 2:5

Rere bree yn chonaant ren mish riu, tra haink shiu magh ass Egypt, myr shen ta my spyrryd tannaghtyn ny mast’ eu: ny gow-jee aggle.

Jannoo 4:19

Agh dreggyr Peddyr as Ean, as dooyrt ad roo, My te cairagh ayns shilley Yee dooinyn dy ve ny s’biallee diuish na da Jee, foddee shiu hene briwnys.

Deuteronomy 1:21

Cur-my-ner, ta’n Chiarn dty Yee er choyrt y cheer kiongoyrt rhyt; immee seose, as gow eh, myr ta’n Chiarn Jee dty ayraghyn er ghra rhyt: ny bee aggle ort, chamoo lhig dty chree voïd.

Deuteronomy 20:1

Tra t’ou goll magh dy chaggey noi dty noidyn, as fakin cabbil, as fainee, as sleih ny shlee ayns earroo na oo hene, ny gow aggle roue: son ta’n Chiarn dty Yee mayrt, hug lesh uss magh ass cheer Egypt.

Deuteronomy 31:23

As hug eh currym da Joshua mac Nun, as dooyrt eh, Prow lajer as dunnal: son ver oo lhiat cloan Israel, gys y cheer yiall mee daue: as beem’s mayrt.

Deuteronomy 31:28

Chaggil-jee hym’s ooilley shanstyr ny tribeyn, as ny fir-oik eu, dy voddym loayrt ny goan shoh ayns y chlashtyn oc, as geamagh er niau as thalloo son feanish nyn ’oï.

Joshua 1:10

Eisht hug Joshua sarey da leeideilee yn pobble, gra,

Joshua 1:17

Myr hug shin biallys da Moses ayns dy chooilley nhee, myr shen nee mayd geaishtagh rhyt’s: as dy row yn Chiarn dty Yee mayrt, myr v’eh marish Moses.

Joshua 1:18

Quoi-erbee nee girree magh noi dty harey, as nagh der geill da dty ghoan ayns ooilley ny t’ou dy oardagh, bee eh er ny choyrt gy-baase: agh bee uss dunnal as jeh cree mie.

Joshua 10:25

As dooyrt Joshua roo, Ny gow-jee aggle, as ny bee-jee atchimagh, bee-jee dunnal as jeh cree mie: son shoh myr nee’n Chiarn rish ooilley nyn noidyn nyn ’oï ta shiuish caggey.

Joshua 10:8

As dooyrt y Chiarn rish Joshua, Ny gow aggle roue; son ta mee er livrey ad gys dty laue; cha shass dooinney jeu royd.

Joshua 3:7

As dooyrt y Chiarn rish Joshua, Jiu nee’m toshiaght dy yannoo uss ooasle ayns shilley ooilley Israel, dy vod fys ve oc, myr va mee marish Moses, myr shen dy bee’m mayrt’s.

Joshua 6:27

Myr shoh va’n Chiarn marish Joshua; as hie goo jeh magh trooid ooilley yn cheer.

Joshua 8:1

As dooyrt y Chiarn rish Joshua, Ny bee aggle ort, chamoo lhig sheese dty chree: gow mayrt ooilley ny deiney caggee, as trog ort, immee seose noi Ai: jeeagh, ta mee er livrey gys dty laue ree Ai, as e phobble, as e ard-valley, as e heer.

Briwnyn 6:14

As yeeagh y Chiarn er, as dooyrt eh, Immee er dty hoshiaght ayns dty niart, as saue-ee oo Israel veih laue ny Midianiteyn: nagh nee mish t’er dty choyrt?

1 Samuel 10:7

As hig eh gy-kione, tra hig ny cowraghyn shoh ort, dy jean uss gymmyrkey oo-hene myr vees feme rish; son ta Jee mayrt.