Joshua 1:8 - Yn Vible Casherick 1775 1819

⁸ Bee’n lioar shoh jeh’n leigh dy kinjagh ayns dty veeal; as bee dty smooinaghtyn dowin ayn oie as laa, dy vod oo tastey y ghoaill dy yannoo cordail rish ooilley ny ta scruit ayn: son eisht hig dty chooishyn dy mie lhiat, as bee oo er dty vannaghey.

Joshua 1:8 ပူးပေါင်းရင်းမြစ်များ

Genesis 24:63

As hie Isaac magh ’syn astyr gys y vagher, dy choyrt raad da smooinaghtyn crauee: as hrog eh seose e hooillyn, as Cur-my-ner, honnick eh ny camelyn cheet.

2 Recortyssyn 26:5

As hir eh lurg Jee ayns laghyn Zechariah, va tushtagh ayns ashlishyn Yee: as choud as hirveish eh yn Chiarn, hug Jee er dy vishaghey.

Psalmyn 119:11

Dty ghoan ta mee er ollaghey cheu-sthie ayns my chree: nagh jinnin peccah dt’oï.

Psalmyn 119:15

Nee’m taggloo jeh dt’annaghyn: as ver-ym geill da dty raaidyn.

Psalmyn 119:97

Hiarn, cre’n ghraih t’aym’s er dty leigh: fey-ny-laa ta mee smooinaghtyn er dy dowin.

Psalmyn 119:99

Ta ny smoo dy hushtey aym na t’ec my ir-ynsee: son ayns dty recortyssyn ta mee baarail my smooinaghtyn.

Psalmyn 19:14

Lhig da goan my veeal, as smooinaghtyn my chree: ve dy kinjagh booisal ayns dty hilley,

Psalmyn 40:10

Ayns corp y lioar te er ny scrieu jeem’s, dy lhisin’s dt’aigney ’chooilleeney, O my Yee: ta mee booiagh y yannoo eh; dy jarroo ta’n leigh ayd’s er cheu-sthie dy my chree.

Raaghyn Creeney 3:1

My vac, ny jarrood my leigh; agh lhig da dty chree freayll my annaghyn.

Isaiah 59:21

As er my hon hene, shoh my chonaant roosyn, ta’n Chiarn dy ghra; Yn Spyrryd aym’s ta ort’s, as my ghoan’s ta mee er choyrt ayns dty veeal, cha jean ad failleil veih dty veeal, ny veih beeal dty luight, ny veih beeal cloan dty chlienney, ta’n Chiarn dy ghra, veih maghey shoh as er son dy bragh.

Noo Mian 12:35

Ta dooinney mie ass stoyr mie yn chree echey, cur magh reddyn mie: as drogh ghooinney ass y drogh stoyr cur magh drogh reddyn.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Noo Mian 7:21

Cha nee dy chooilley unnane jir rhym’s, Hiarn, Hiarn, hed stiagh er reeriaght niau: agh eshyn ta jannoo aigney my Ayrey t’ayns niau.

Noo Mian 7:24

Quoi-erbee er-y-fa shen ta clashtyn ad shoh my ghoan’s, as jannoo ymmyd mie jeu soylee-ym eh gys dooinney creeney hrog e hie er creg:

Noo Luke 11:28

Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.

Noo Ean 13:17

My ta fys eu er ny reddyn shoh, s’maynrey vees shiu my nee shiu ad y yannoo.

Noo Ean 14:21

Eshyn ta my annaghyn’s echey, as ta freayll ad, eshyn eh ta graihagh orrym’s: as eshyn ta graihagh orrym, ver my Ayr graih da, as ver-yms graih da, as soilshee-ym mee hene da.

Ephesianee 4:29

Ny lhig da drogh ghlare erbee cheet ass nyn meeal, agh shen ny ta mie son ynsagh vondeishagh, dy vod eh grayse y hirveish orroosyn ta geaishtagh rish.

Deuteronomy 29:8

As ghow shin y cheer oc, as hug shin eh son eiraght da ny Reubeniteyn, as da ny Gaditeyn, as da lieh-tribe Vanasseh.

Deuteronomy 29:9

Freill-jee, er-y-fa shen, goan y chonaant shoh, as jean-jee ad, dy vod dy chooilley nhee, ta shiu dy yannoo, cheet lhieu.

Deuteronomy 30:14

Agh ta’n ghoo feer faggys dhyt, ayns dty veeal, as ayns dty chree, dhyt dy chooilleeney eh.

Deuteronomy 31:11

Tra hig ooilley cloan Israel kionfenish y Chiarn dty Yee, ’syn ynnyd nee eh reih; nee oo yn leigh shoh y lhaih fenish ooilley Israel, ayns nyn glashtyn.

Deuteronomy 31:24

As haink eh gy-kione, erreish da Moses, v’er scrieu ooilley goan y leigh shoh ayns lioar;

Deuteronomy 5:1

As deïe Moses er ooilley Israel, as dooyrt eh roo, Eaisht, O Israel, rish ny slattyssyn as ny briwnyssyn, ta mee fockley magh diu yn laa jiu, dy vod shiu gynsaghey ad, as freayll, as cooilleeney ad.

Deuteronomy 5:29

O dy beagh lheid y cree ayndoo, dy goghe ad aggle roym, as dy vreillagh ad ooilley my annaghyn dy kinjagh, dy voddagh ad hene as nyn gloan ve maynrey son dy bragh!

Deuteronomy 5:32

Nee shiuish, er-y-fa shen, kiarail y ghoaill, dy yannoo myr ta’n Chiarn er harey diu: cha jyndaa shiu dy lhiattee gys y laue yesh, ny gys y laue chiare.

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn-moyllee as spyrrydoil, goaill arrane lesh grayse ayns nyn greeaghyn gys y Chiarn.

Joshua 1:7

Ynrycan bee jeh cree mie as feer dunnal, dy vod oo cur tastey dy yannoo cordail rish ooilley’n leigh hug Moses my harvaant ayns currym dhyt: ny chyndaa veih gys y laue yesh ny gys y laue hoshtal, dy vod oo bishaghey cre-erbee yn raad t’ou goll.

Joshua 8:34

As ny lurg shen lhaih eh ooilley goan y leigh, ny bannaghtyn as ny mollaghtyn, cordail rish ooilley ny va scruit ayns lioar y leigh.

Ashlish 22:14

Bannit t’adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard-valley.