Joshua 1:6 - Yn Vible Casherick 1775 1819

⁶ Bee dunnal as jeh cree mie; son da’n pobble shoh nee oo rheynn son eiraght yn cheer, loo mee da nyn ayraghyn dy choyrt daue.

Joshua 1:6 ပူးပေါင်းရင်းမြစ်များ

Genesis 12:7

As ren y Chiarn eh hene y hoilshaghey da Abram, as dooyrt eh, Da dty luight’s ver-yms yn cheer shoh: as ayns shen hrog eh altar da’n Chiarn, ren eh hene y hoilshaghey da.

Genesis 26:3

Cum ’sy cheer shoh, as beem’s mayrt, as nee’m uss y vannaghey: son dhyt’s, as da dty luight ver-yms ooilley ny cheeraghyn shoh, as neem’s cooilleeney yn breearrey, loo mee da Abraham dty ayr.

2 Samuel 10:12

Bee jeh cree mie, as lhig dooin caggey myr deiney son y pobble ain, as son ard-valjyn y Jee ain: as aigney-mie’n Chiarn dy row jeant.

1 Reeaghyn 2:2

Ta mee goll raad ooilley’n seihll: bee uss dunnal er-y-fa shen, as jeeagh oo-hene dty ghooinney;

1 Recortyssyn 22:13

Eisht nee oo bishaghey, my vees oo imneagh, dy chooilleeney ny slattyssyn as ny briwnyssyn shen, hug y Chiarn ayns currym da Moses mychione Israel: bee creeoil as dunnal; ny gow aggle, ny caill dty chree.

1 Recortyssyn 28:10

Cur tastey nish; son ta’n Chiarn er reih oo dy hroggal thie son yn ynnyd casherick: bee creeoil, as jean eh.

1 Recortyssyn 28:20

As dooyrt David rish Solomon e vac, Bee dunnal, as creeoil, as jean eh: ny bee fo aggle ny imnea; son bee’n Chiarn Jee, eer y Jee aym’s mayrt, cha jean eh failleil ny treigeil oo, agh ver oo kione er ooilley’n obbyr son shirveish thie’n Chiarn.

2 Recortyssyn 15:7

Bee-jee dunnal er-y-fa shen, as ny bee-jee lhag-laueeagh: son bee nyn obbyr er ny chooilleeney.

2 Recortyssyn 20:11

Jeeagh, Ta mee gra, kys t’ad dy chooilleeney shin, dy heet dy hilgey magh shin ass dty chummal, t’ou er choyrt dooin son eiraght.

2 Recortyssyn 20:7

Nagh nee uss y Jee ainyn, deiyr magh cummaltee yn cheer shoh roish dty phobble Israel, as hug oo eh da sluight Abraham dty charrey, son dy bragh?

Psalmyn 27:14

Ny livrey mee seose gys aigney my noidyn: son ta feanishyn foalsey er n’irree seose m’oï, as lheid as ta loayrt aggair.

Daniel 10:19

As dooyrt eh, O ghooinney ard-ennoil, ny bee aggle ort, shee dy row hood, bee er dty gherjaghey, as bee eer er dty niartaghey. As tra v’eh er loayrt rhym, va mee er my niartaghey, as dooyrt mee, Lhig da my hiarn loayrt; son t’ou er my niartaghey.

Haggai 2:4

As nish, bee uss dunnal, O Zerubbabel, ta’n Chiarn dy ghra, as bee uss dunnal, O Yoshua, mac Yosedech, yn ard-saggyrt, as bee-jee dunnal, ooilley shiuish phobble y cheer, ta’n Chiarn dy ghra, as lhie-jee rish yn obbyr: son ta mish mêriu, ta Chiarn ny flaunyssee dy ghra.

Zechariah 8:9

Myr shoh ta Chiarn ny flaunyssee dy ghra, Lhig da ny laueyn eu ve lajer, shiuish ta clashtyn ayns ny laghyn shoh ny goan shoh liorish beeal ny phadeyryn, v’ayns y laa va undin thie Chiarn ny flaunyssee layit son troggal y chiamble.

Earrooyn 26:53

Orroo shoh vees y cheer er ny rheynn son eiraght, cordail rish earroo ny enmyn.

Earrooyn 33:53

As nee shiu yn cheer y reaghey jeh e chummaltee, as baghey ayn: son ta mish er choyrt diu yn cheer son eiraght.

1 Corinthianee 16:13

Bee-jee er nyn arrey, shass-jee shickyr ’sy chredjue, ymmyrk-jee shiu hene myr deiney, bee-jee dunnal.

Ephesianee 6:10

Er-jerrey, my vraaraghyn, bee-jee niartal ayns y Chiarn, as ayns pooar e hroshid.

Deuteronomy 1:21

Cur-my-ner, ta’n Chiarn dty Yee er choyrt y cheer kiongoyrt rhyt; immee seose, as gow eh, myr ta’n Chiarn Jee dty ayraghyn er ghra rhyt: ny bee aggle ort, chamoo lhig dty chree voïd.

Deuteronomy 1:8

Cur-my-ner, Ta mee er choyrt y cheer kiongoyrt riu: immee-jee stiagh, as gow-jee yn cheer, vreear y Chiarn da nyn ayraghyn, Abraham, Isaac, as Jacob, dy choyrt dauesyn, as da nyn sluight nyn yeï.

Deuteronomy 11:8

Nee shiu, er-y-fa shen, freayll ooilley ny annaghyn ta mee dy harey diu yn laa jiu, dy vod shiu ve dunnal, as goll stiagh dy ghoaill possession jeh’n cheer, huggey ta shiu er y raad dy gheddyn eiraght ayn:

Deuteronomy 31:23

As hug eh currym da Joshua mac Nun, as dooyrt eh, Prow lajer as dunnal: son ver oo lhiat cloan Israel, gys y cheer yiall mee daue: as beem’s mayrt.

2 Timothy 2:1

Bee uss er-y-fa shen, my vac, niartal ayns y ghrayse ta ayns Creest Yeesey.

Joshua 1:18

Quoi-erbee nee girree magh noi dty harey, as nagh der geill da dty ghoan ayns ooilley ny t’ou dy oardagh, bee eh er ny choyrt gy-baase: agh bee uss dunnal as jeh cree mie.

Joshua 1:7

Ynrycan bee jeh cree mie as feer dunnal, dy vod oo cur tastey dy yannoo cordail rish ooilley’n leigh hug Moses my harvaant ayns currym dhyt: ny chyndaa veih gys y laue yesh ny gys y laue hoshtal, dy vod oo bishaghey cre-erbee yn raad t’ou goll.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 10:25

As dooyrt Joshua roo, Ny gow-jee aggle, as ny bee-jee atchimagh, bee-jee dunnal as jeh cree mie: son shoh myr nee’n Chiarn rish ooilley nyn noidyn nyn ’oï ta shiuish caggey.

Joshua 13:6

Ooilley cummaltee ny sleityn, veih Lebanon gys Misrephoth-maim, as ooilley ny Sidonianee, adsyn nee’m geiyrt magh roish cloan Israel: as rheynn uss eh liorish lot mastey cloan Israel son eiraght, myr ta mee er dty harey.

Joshua 18:3

As dooyrt Joshua rish cloan Israel, Caïd vees shiu lhag dy ghoaill possession jeh’n cheer ta’n Chiarn Jee ny ayraghyn eu er choyrt diu?

Joshua 21:43

As hug y Chiarn da Israel ooilley’n thalloo vreear eh dy choyrt da ny ayraghyn oc: as ve oc son eiraght, as chum ad ayn.

Joshua 5:6

Son ren cloan Israel troailt da-eed bleïn ayns yn aasagh, derrey va ooilley yn pobble va deiney caggee, haink magh ass Egypt, marroo, er-yn-oyr nagh dug ad biallys da coraa yn Chiarn: daue shoh ren y Chiarn breearrey nagh jinnagh eh shilley dauesyn jeh’n cheer ren y Chiarn loo da ny ayraghyn oc dy choyrt daue, cheer taal bainney as mill.

1 Samuel 4:9

Bee-jee dunnal, as jean-jee gymmyrkey shiu-hene myr deiney, O shiuish Philistinee, nagh jig shiu dy ve fo keesh da ny Hebrewnee, myr v’adsyn diuish: ymmyrk-jee shiu-hene myr deiney, as lhig dooin caggey.