Joshua 1:5 - Yn Vible Casherick 1775 1819

⁵ Cha bee dooinney erbee abyl dy hassoo royd ooilley laghyn dty vea: myr va mee marish Moses, shen myr bee’m mayrt’s: cha jean-ym failleil, ny treigeil oo.

Joshua 1:5 ပူးပေါင်းရင်းမြစ်များ

Genesis 39:2

As va’n Chiarn marish Joseph, as v’eh ny ghooinney haink dy chooilley nhee lesh, as v’eh ayns thie e vainshtyr yn Egyptian.

1 Reeaghyn 1:37

Myr ta’n Chiarn er ve marish my hiarn yn ree, eer myr shen dy row eh marish Solomon, as e stoyl-reeoil y yannoo ny s’pooaral na stoyl-reeoil my hiarn ree David.

1 Reeaghyn 11:38

As hig eh gy-kione, my nee oo geaishtagh rish ooilley ny ta mee dy harey dhyt, as my nee oo shooyl ayns my raaidyn, as jannoo shen ny ta cairagh ayns my hilley, dy reayll my lattyssyn as my annaghyn, myr ren David my harvaant; dy beem’s mayrt, as trog-ym dhyt thie shickyr, myr hrog mee da David, as ver-ym Israel dhyt.

1 Reeaghyn 6:13

As nee’m cummal mastey cloan Israel, as cha dreig-ym my phobble Israel.

1 Reeaghyn 8:57

Dy row’n Chiarn yn Jee ain mârin, myr v’eh marish nyn ayraghyn: ny lhig da faagail, ny treigeil shin;

1 Recortyssyn 28:20

As dooyrt David rish Solomon e vac, Bee dunnal, as creeoil, as jean eh: ny bee fo aggle ny imnea; son bee’n Chiarn Jee, eer y Jee aym’s mayrt, cha jean eh failleil ny treigeil oo, agh ver oo kione er ooilley’n obbyr son shirveish thie’n Chiarn.

Psalmyn 46:11

Ta’n Jee dy heshaght-chaggee flaunys mârin: she Jee Yacob nyn gemmyrk.

Exodus 3:12

As dooyrt eh, Beem’s son shickyrys mayrt; as bee shoh son cowrey dhyt, dy vel mee er dty choyrt er y chaghteraght shoh: Tra t’ou er choyrt lhiat y pobble shoh magh ass Egypt, nee shiu Jee y hirveish er y clieau shoh.

Isaiah 42:16

As ver-ym lhiam ny doail er raad nagh row nyn oayll; leeid-ym ad ayns cassanyn nagh bione daue: nee’m yn dorraghys y yannoo sollys rhymboo, as ny raaidyn cammey jeeragh. Ny reddyn shoh nee’m er nyn son, as cha dreig-ym ad.

Jeremiah 1:8

Ny bee aggle ort roish yn eddin oc: son ta mish mayrt dy dty livrey, ta’n Chiarn dy ghra.

Daniel 11:16

Agh nee eshyn hig n’oï jannoo lurg e aigney hene, as cha shassee fer kiongoyrt rish; as nee eh shassoo ayns y cheer aalin, vees er ny stroie liorish y laue echeysyn.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

Romanee 8:37

Agh ta shin er n’gheddyn ny smoo na’n varriaght ayns ooilley ny reddyn shoh, ny hrooidsyn hug graih dooin.

Deuteronomy 20:1

Tra t’ou goll magh dy chaggey noi dty noidyn, as fakin cabbil, as fainee, as sleih ny shlee ayns earroo na oo hene, ny gow aggle roue: son ta’n Chiarn dty Yee mayrt, hug lesh uss magh ass cheer Egypt.

Deuteronomy 20:4

Son ta’n Chiarn nyn Yee eshyn ta goll mêriu, dy chaggey er nyn son noi nyn noidyn, dy hauail shiu.

Deuteronomy 31:23

As hug eh currym da Joshua mac Nun, as dooyrt eh, Prow lajer as dunnal: son ver oo lhiat cloan Israel, gys y cheer yiall mee daue: as beem’s mayrt.

Deuteronomy 4:31

(Son ta’n Chiarn dty Yee ny Yee myghinagh) cha jean eh dty hreigeil, chamoo nee eh dty stroie, ny jarrood conaant dty ayraghyn, vreear eh daue.

Deuteronomy 7:24

As nee eh ny reeaghyn oc y livrey gys dty laue, as nee uss dolley nyn enmyn fo niau: cha jarg dooinney jeu shassoo royd, derrey t’ou er stroie ad.

2 Timothy 4:17

Ny-yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

Hebrewnee 13:5

Lhig da’n ymmyrkey-bea eu ve fegooish saynt; as bee-jee booiagh lesh lheid as t’eu: son t’eh er ghra, Cha vaag-ym, ny cha dreig-ym oo dy bragh.

Joshua 1:17

Myr hug shin biallys da Moses ayns dy chooilley nhee, myr shen nee mayd geaishtagh rhyt’s: as dy row yn Chiarn dty Yee mayrt, myr v’eh marish Moses.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 10:8

As dooyrt y Chiarn rish Joshua, Ny gow aggle roue; son ta mee er livrey ad gys dty laue; cha shass dooinney jeu royd.

Joshua 21:44

As hug y Chiarn daue shee er dy chooilley heu, cordail rish bree yn loo ren eh da ny ayraghyn oc: as cha hass dooinney jeh ooilley nyn noidyn kiongoyrt roo; livrey’n Chiarn ooilley nyn noidyn gys nyn laue.

Joshua 3:7

As dooyrt y Chiarn rish Joshua, Jiu nee’m toshiaght dy yannoo uss ooasle ayns shilley ooilley Israel, dy vod fys ve oc, myr va mee marish Moses, myr shen dy bee’m mayrt’s.

Joshua 6:27

Myr shoh va’n Chiarn marish Joshua; as hie goo jeh magh trooid ooilley yn cheer.

Briwnyn 2:18

As tra va’n Chiarn er hroggal seose briwnyn daue, eisht va’n Chiarn marish y vriw shen, as ren eh ad y livrey ass laue nyn noidyn ooilley laghyn y vriw: (son ghow’n Chiarn chymmey jeh ny osnaghyn oc, kyndagh roosyn va seaghney as jannoo tranlaase orroo.)

Briwnyn 6:16

As dooyrt y Chiarn rish, Shickyr beem’s mayrt, as nee oo bwoalley ny Midianiteyn myr dy beagh ad agh un dooinney.

1 Samuel 10:7

As hig eh gy-kione, tra hig ny cowraghyn shoh ort, dy jean uss gymmyrkey oo-hene myr vees feme rish; son ta Jee mayrt.