Joshua 1:2 - Yn Vible Casherick 1775 1819

² Ta Moses my harvaant marroo; nish er-y-fa shen trog ort, gow harrish yn awin shoh Jordan, uss, as ooilley yn pobble shoh, gys y cheer ta mee dy choyrt daue, dy jarroo da cloan Israel.

Joshua 1:2 ပူးပေါင်းရင်းမြစ်များ

Genesis 17:8

As ver-yms dhyt’s, as da dty luight dty yeï, yn cheer raad t’ou dty yoarree, ooilley cheer Chanaan, son cummal foddey beayn; as beem’s yn Jee oc.

Nehemiah 9:23

Yn chloan oc ren oo myrgeddin y vishaghey, myr rollageyn niau, as hug oo lhiat ad gys y cheer, my-e-chione v’ou er yialdyn da nyn ayraghyn, dy ragh ad stiagh dy ghoaill possession jeh.

Lioar Yob 1:8

As dooyrt y Chiarn rish Satan, Vel oo er chur-my-ner my harvaant Job, nagh vel fer erbee goll-rish er y thalloo, dooinney slane ynrick as jeeragh, ta goaill aggle roish Jee, as shaghney olk?

Isaiah 42:1

Cur-my-ner my harvaant, ta mee dy niartaghey; my er-reiht, ayn ta my annym goaill taitnys: ta mee er choyrt my Spyrryd ersyn; ver eh magh briwnys gys ny ashoonee.

Earrooyn 12:7

Cha nee myr shen rish my harvaant Moses, ta firrinagh ayns ooilley my hie.

Deuteronomy 3:28

Agh cur currym da Joshua, as cur cree ayn, as niartee eh; son nee eshyn leeideil y pobble shoh harrish, as ver eh eiraght daue ’sy cheer, yiow shilley jeh.

Deuteronomy 31:7

As deïe Moses er Joshua, as dooyrt eh rish, ayns clashtyn ooilley Israel, Bee lajer as dunnal; son shegin dhyt’s goll marish y pobble shoh gys y cheer, ta’n Chiarn er vreearrey da nyn ayraghyn dy choyrt daue: as ver uss ad ayns possession.

Deuteronomy 34:5

Myr shoh hooar Moses sharvaant y Chiarn baase ayns shen, ayns cheer Voab, cordail rish raa’n Chiarn.

Joshua 1:1

Nish lurg baase Voses sharvaant y Chiarn haink eh gy-kione, dy loayr y Chiarn rish Joshua mac Nun, shirveishagh Voses, gra,

Joshua 1:11

Gow-jee trooid y champ, as cur-jee currym da’n pobble, gra, Fow-jee aarloo dy chooilley nhee ta ymmyrchagh; son cheu-sthie jeh three laa hed shiu harrish yn Jordan shoh, dy gholl stiagh as dy ghoaill diu hene yn cheer, ta’n Chiarn yn Jee eu dy choyrt diu myr eiraght.