Joshua 1:18 - Yn Vible Casherick 1775 1819

¹⁸ Quoi-erbee nee girree magh noi dty harey, as nagh der geill da dty ghoan ayns ooilley ny t’ou dy oardagh, bee eh er ny choyrt gy-baase: agh bee uss dunnal as jeh cree mie.

Joshua 1:18 ပူးပေါင်းရင်းမြစ်များ

Ezra 10:4

Trog ort, son ta’n chooish shoh bentyn dhyt: bee mayd myrgeddin mayrt; bee dunnal, as jean eh.

Noo Luke 19:27

Agh ad shen my noidyn nagh bailliu mish dy reill harrystoo, cur-jee lhieu ad ayns shoh, as cur-jee ad gy-baase kiongoyrt rhym.

1 Corinthianee 16:13

Bee-jee er nyn arrey, shass-jee shickyr ’sy chredjue, ymmyrk-jee shiu hene myr deiney, bee-jee dunnal.

Ephesianee 6:10

Er-jerrey, my vraaraghyn, bee-jee niartal ayns y Chiarn, as ayns pooar e hroshid.

Deuteronomy 17:12

As y dooinney nee er e chione hene, as nagh n’eaisht rish y taggyrt (ta shassoo dy yannoo shirveish ayns shen kiongoyrt rish y Chiarn dty Yee) ny rish y vriw, bee’n dooinney shen er ny choyrt gy-baase: as ver oo yn olk ersooyl veih Israel.

Hebrewnee 12:25

Jeeagh-jee nagh der shiu cooyl rishyn ta loayrt: son mannagh ren adsyn scapail hug cooyl rishyn ren loayrt er y thalloo, foddey smoo cha jig eh lhienyn, my hyndaa-ys mayd ersooyl voishyn ta loayrt veih niau:

Joshua 1:17

Myr hug shin biallys da Moses ayns dy chooilley nhee, myr shen nee mayd geaishtagh rhyt’s: as dy row yn Chiarn dty Yee mayrt, myr v’eh marish Moses.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 2:1

As hug Joshua mac Nun magh daa ghooinney veih Shittim dy vriaght dy follit, gra roo, Immee-jee, gow-jee baght mie jeh’n cheer, dy jarroo jeh Jericho. As jimmee ad, as haink ad gys thie ben oast, enmyssit Rahab, as ghow ad aaght ayns shen.

1 Samuel 11:12

As dooyrt y pobble rish Samuel, Quoi eh ren gra, Nee Saul reillys harrin? cur-jee lhieu ny deiney shen, dy vod mayd y choyrt gy-baase ad.