Joshua 1:17 - Yn Vible Casherick 1775 1819

¹⁷ Myr hug shin biallys da Moses ayns dy chooilley nhee, myr shen nee mayd geaishtagh rhyt’s: as dy row yn Chiarn dty Yee mayrt, myr v’eh marish Moses.

Joshua 1:17 ပူးပေါင်းရင်းမြစ်များ

2 Samuel 14:17

Eisht dooyrt dty harvaant, Bee ansoor my hiarn y ree nish gerjoilagh: son myr ainle Yee, shen myr ta my hiarn y ree dy chur tastey dy vriwnys eddyr mie as sie; shen-y-fa bee’n Chiarn dty Yee mayrt.

1 Reeaghyn 1:37

Myr ta’n Chiarn er ve marish my hiarn yn ree, eer myr shen dy row eh marish Solomon, as e stoyl-reeoil y yannoo ny s’pooaral na stoyl-reeoil my hiarn ree David.

1 Recortyssyn 28:20

As dooyrt David rish Solomon e vac, Bee dunnal, as creeoil, as jean eh: ny bee fo aggle ny imnea; son bee’n Chiarn Jee, eer y Jee aym’s mayrt, cha jean eh failleil ny treigeil oo, agh ver oo kione er ooilley’n obbyr son shirveish thie’n Chiarn.

Psalmyn 20:1

Dy jean y Chiarn dty chlashtyn ayns y laa dy heaghyn: dy jean Ennym Jee Yacob dt’endeil.

Psalmyn 20:4

Dy der eh dhyt yeearree dty chree: as ooilley dt’aigney ’chooilleeney.

Psalmyn 20:9

Saue shin, Hiarn, as clasht rooin, O Ree flaunys: tra ta shin geamagh ort.

Earrooyn 27:18

As dooyrt y Chiarn rish Moses, Gow hood Joshua mac Nun, dooinney ta’n spyrryd (dy chreenaght) ayn, as lhie dty laue er.

Earrooyn 27:20

As ver oo ayrn jeh dty ooashley hene ersyn, dy vod ooilley sheshaght cloan Israel ve biallagh dasyn.

Noo Mian 21:9

As deïe yn pobble hie roish, as adsyn haink ny yeï, gra, Hosanna gys mac Ghavid: bannit t’eshyn ta cheet ayns ennym y Chiarn, Hosanna ayns yn yrjid.

Deuteronomy 34:9

As va Joshua mac Nun lane jeh’n spyrryd dy chreenaght: son va Moses er lhie e laueyn er: as va cloan Israel ayns biallys da, as ren ad myr va’n Chiarn er harey da Moses.

Joshua 1:16

As dreggyr ad Joshua, gra, Ooilley ny t’ou dy harey dooin nee mayd jannoo, as raad erbee ver oo shin nee mayd goll.

Joshua 1:18

Quoi-erbee nee girree magh noi dty harey, as nagh der geill da dty ghoan ayns ooilley ny t’ou dy oardagh, bee eh er ny choyrt gy-baase: agh bee uss dunnal as jeh cree mie.

Joshua 1:5

Cha bee dooinney erbee abyl dy hassoo royd ooilley laghyn dty vea: myr va mee marish Moses, shen myr bee’m mayrt’s: cha jean-ym failleil, ny treigeil oo.

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 4:14

Er y laa shen ren y Chiarn soiaghey seose Joshua ayns ard-ooashley fenish ooilley Israel; as v’ad arrymagh da, myr v’ad arrymagh da Moses, ooilley laghyn e vea.

1 Samuel 17:37

Dooyrt David ny-sodjey, Yn Chiarn ren mish y livrey ass croag y lion, as veih croag y vuc-awin, eshyn nee m’y livrey ass laue yn Philistine shoh. As dooyrt Saul rish David, Gow er dty hoshiaght, as y Chiarn dy row mayrt.

1 Samuel 20:13

Dy jean y Chiarn myr shen as ny smoo rish Jonathan: agh my te ayns cree my ayrey dy yannoo olk dhyt, eisht neem’s shen y hoilshaghey dhyt, as oo y choyrt ersooyl, dy vod oo goll ayns shee: as dy row’n Chiarn mayrt, myr v’eh marish m’ayr.