Joshua 1:15 - Yn Vible Casherick 1775 1819

¹⁵ Derrey vees y Chiarn er choyrt fea da nyn mraaraghyn, myr t’eh er choyrt diuish, as derrey t’adsyn myrgeddin er ghoaill possession jeh’n cheer ta’n Chiarn yn Jee eu dy choyrt daue: eisht nee shiuish chyndaa gys cheer yn eiraght eu hene, as soylley ’ghoaill jeh, ren Moses, sharvaant y Chiarn, coyrt diu er y cheu shoh dy Yordan, lesh irree ny greïney.

Joshua 1:15 ပူးပေါင်းရင်းမြစ်များ

1 Corinthianee 12:26

Son edyr un olt dy hurranse, ta ooilley ny oltyn surranse mârish: ny un olt dy v’er ny choamrey lesh onnor, ta ooilley ny oltyn goaill boggey mârish.

1 Corinthianee 13:5

Cha vel ee gymmyrkey ee hene dy neu-aghtal, cha vel ee shirrey e cooid hene, cha vel ee dy aashagh er ny vrasnaghey, cha vel ee smooinaghtyn er olk erbee,

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean-jee yn reamys shoh leshtal son yn eill, agh ayns graih shirveish-jee yn derrey yeh yn jeh elley.

Galatianee 6:2

Ymmyrk-jee erraghyn y cheilley, as myr shoh lhieen-jee yn leigh.

Deuteronomy 3:18

As hug mee currym erriu ec y traa shen, gra, Ta’n Chiarn nyn Yee er choyrt diu yn cheer shoh, dy chummal ayn: hed shiu ooilley ny ta cooie son caggey magh armit, roish nyn mraaraghyn cloan Israel.

Deuteronomy 3:20

Derrey ver y Chiarn shee da nyn mraaraghyn, chammah as diuish, as derrey yiow adsyn myrgeddin cummallyn ayns y cheer, ta’n Chiarn nyn Yee er choyrt daue cheu elley dy Yordan: as eisht nee dy chooilley ghooinney jiu chyndaa gys e eiraght, ta mee er choyrt diu.

Deuteronomy 9:1

Eaisht, O Israel, t’ou dy gholl harrish Jordan dy gerrit, ry-hoi goaill possession jeh ashoonyn ny smoo as ny s’pooaral na oo hene, ard-valjyn mooar as voallit dy ard,

Philippianee 2:4

Ny lhig da sooill ve ec dooinney erbee gys y foays echey hene [ny-lomarcan], agh dy chooilley ghooinney myrgeddin gys foays feallagh elley.

Joshua 1:1

Nish lurg baase Voses sharvaant y Chiarn haink eh gy-kione, dy loayr y Chiarn rish Joshua mac Nun, shirveishagh Voses, gra,

Joshua 1:14

Nee ny mraane, yn chloan, as y maase eu, tannaghtyn ayns y cheer hug Moses diu cheu shoh dy Yordan; agh hed shiu hene roish nyn mraaraghyn armit, ooilley ny deiney caggee niartal, as coon-jee lhieu,

Joshua 1:16

As dreggyr ad Joshua, gra, Ooilley ny t’ou dy harey dooin nee mayd jannoo, as raad erbee ver oo shin nee mayd goll.

Joshua 22:1

Eisht deïe Joshua er ny Reubeniteyn, as ny Gaditeyn, as er lieh-tribe Vanasseh,