Joshua 1:11 - Yn Vible Casherick 1775 1819

¹¹ Gow-jee trooid y champ, as cur-jee currym da’n pobble, gra, Fow-jee aarloo dy chooilley nhee ta ymmyrchagh; son cheu-sthie jeh three laa hed shiu harrish yn Jordan shoh, dy gholl stiagh as dy ghoaill diu hene yn cheer, ta’n Chiarn yn Jee eu dy choyrt diu myr eiraght.

Joshua 1:11 ပူးပေါင်းရင်းမြစ်များ

2 Reeaghyn 20:5

Chyndaa reesht, as insh da Hezekiah, captan my phobble, Myr shoh ta’n Chiarn Jee Ghavid dty ayr gra, Ta mee er chlashtyn dty phadjer, ta mee er vakin dty yeïr: Cur-my-ner, neem’s uss y lheihys; as er y trass laa hed oo seose gys thie yn Chiarn.

Exodus 19:11

As ve aarloo son y trass laa: son er y trass laa, hig y Chiarn neose ayns shilley ooilley’n pobble er slieau Sinai.

Hosea 6:2

Lurg daa laa ver eh orrin dy aa-vioghey, ’sy trass nee eh shin y hroggal seose reesht veih ny merriu, as bee mayd bio kiongoyrt rish.

Deuteronomy 11:31

Son hed shiu harrish Jordan dy ghoaill possession jeh’n cheer, ta’n Chiarn y Jee euish dy choyrt diu, as bee eh son eiraght diu, as nee shiu cummal ayn.

Deuteronomy 3:18

As hug mee currym erriu ec y traa shen, gra, Ta’n Chiarn nyn Yee er choyrt diu yn cheer shoh, dy chummal ayn: hed shiu ooilley ny ta cooie son caggey magh armit, roish nyn mraaraghyn cloan Israel.

Deuteronomy 9:1

Eaisht, O Israel, t’ou dy gholl harrish Jordan dy gerrit, ry-hoi goaill possession jeh ashoonyn ny smoo as ny s’pooaral na oo hene, ard-valjyn mooar as voallit dy ard,

Joshua 1:10

Eisht hug Joshua sarey da leeideilee yn pobble, gra,

Joshua 1:2

Ta Moses my harvaant marroo; nish er-y-fa shen trog ort, gow harrish yn awin shoh Jordan, uss, as ooilley yn pobble shoh, gys y cheer ta mee dy choyrt daue, dy jarroo da cloan Israel.

Joshua 3:2

As haink eh gy-kione, lurg three laa, dy jagh ny ard leeideilee trooid y champ;