Joshua 1:1 - Yn Vible Casherick 1775 1819

¹ Nish lurg baase Voses sharvaant y Chiarn haink eh gy-kione, dy loayr y Chiarn rish Joshua mac Nun, shirveishagh Voses, gra,

Joshua 1:1 ပူးပေါင်းရင်းမြစ်များ

1 Reeaghyn 19:16

As Jehu mac Nimshi nee uss y ooilaghey dy ve ree harrish Israel: as Elisha mac Shaphat, jeh Abel-meholah, nee oo y ooilaghey dy ve phadeyr ayns dty ynnyd.

2 Reeaghyn 3:11

Agh dooyrt Jehoshaphat, Nagh vel ayns shoh phadeyr y Chiarn; liorishyn dy vod mayd briaght jeh’n Chiarn? As dreggyr fer jeh sharvaantyn ree Israel, as dooyrt eh, Ta ayns shoh Elisha mac Shaphat, ren deayrtey ushtey er laueyn Elijah.

Nehemiah 8:17

As ren y slane sheshaght jeusyn v’er jyndaa veih’n chappeeys, cabbaneyn banglaneagh, as hoie ad fo ny cabbaneyn; son veih laghyn Yeshua mac Nun, gys y laa shen, cha row cloan Israel er n’yannoo y lheid: as s’mooar va nyn moggey.

Exodus 24:13

As hrog Moses er, as e hirveishagh Joshua: as hie Moses seose er slieau Yee.

Earrooyn 11:28

As ren Joshua mac Nun shirveishagh Voses, fer jeh e gheiney aegey, freggyrt as gra, My hiarn Voses, jean ad y lhiettal!

Earrooyn 12:7

Cha nee myr shen rish my harvaant Moses, ta firrinagh ayns ooilley my hie.

Earrooyn 13:16

Shoh enmyn ny deiney hug Moses dy ghoaill baght jeh cheer Chanaan. As denmys Moses Oshea mac Nun, Jehoshua.

Earrooyn 13:8

Jeh tribe Ephraim, Oshea mac Nun.

Noo Luke 16:10

Eshyn ta ynrick ayns yn nhee s’fardalee, t’eh ynrick myrgeddin ayns mooarane: as eshyn ta neu-chairagh ayns y nhee s’fardalee, t’eh neu-chairagh myrgeddin ayns mooarane.

Jannoo 7:45

As hug ny ayraghyn ain, haink ny yeï, lhieu stiagh eh marish Joshua, gys cheer ny Hashoonee, deiyr Jee magh veih fenish ny ayraghyn ain, gys laghyn Ghavid;

Romanee 1:1

Paul sharvaant Yeesey Creest, er ny eam dy ve ny ostyl, soit er-lheh gys sushtal Yee;

Deuteronomy 1:38

Agh Joshua mac Nun, ta dty hirveishagh, hed eshyn stiagh ayn. Cur dty choyrle vie da: son eshyn ver eh da Israel son eiraght.

Deuteronomy 31:23

As hug eh currym da Joshua mac Nun, as dooyrt eh, Prow lajer as dunnal: son ver oo lhiat cloan Israel, gys y cheer yiall mee daue: as beem’s mayrt.

Deuteronomy 31:3

Yn Chiarn dty Yee, eshyn hed harrish royd, as nee eh stroie ny ashoonyn shoh royd, as ver eh uss nyn ynnyd; as bee Joshua dty leeideilagh harrish, myr ta’n Chiarn er ghra.

Deuteronomy 33:1

As shoh’n bannaght, lesh ren Moses dooinney Yee, cloan Israel y vannaghey, roish e vaase.

Deuteronomy 34:12

As ayns ooilley’n laue pooaral shen, as ayns ooilley ny mirrilyn atchimagh, ren Moses ayns shilley ooilley Israel.

Deuteronomy 34:5

Myr shoh hooar Moses sharvaant y Chiarn baase ayns shen, ayns cheer Voab, cordail rish raa’n Chiarn.

Deuteronomy 34:9

As va Joshua mac Nun lane jeh’n spyrryd dy chreenaght: son va Moses er lhie e laueyn er: as va cloan Israel ayns biallys da, as ren ad myr va’n Chiarn er harey da Moses.

Titus 1:1

Paul sharvaant Yee, as ostyl Yeesey Creest, son credjue cloan reiht Yee, as goaill-rish yn irriney, ta cordail rish craueeaght:

Jamys 1:1

Jamys sharvaant Yee as nyn Jiarn Yeesey Creest, gys y daa heeloghe jeig ta skeaylt fud y theihll, bea as slaynt.

Joshua 1:15

Derrey vees y Chiarn er choyrt fea da nyn mraaraghyn, myr t’eh er choyrt diuish, as derrey t’adsyn myrgeddin er ghoaill possession jeh’n cheer ta’n Chiarn yn Jee eu dy choyrt daue: eisht nee shiuish chyndaa gys cheer yn eiraght eu hene, as soylley ’ghoaill jeh, ren Moses, sharvaant y Chiarn, coyrt diu er y cheu shoh dy Yordan, lesh irree ny greïney.

Joshua 1:2

Ta Moses my harvaant marroo; nish er-y-fa shen trog ort, gow harrish yn awin shoh Jordan, uss, as ooilley yn pobble shoh, gys y cheer ta mee dy choyrt daue, dy jarroo da cloan Israel.

Joshua 12:6

Ad shoh ren Moses sharvaant y Chiarn as cloan Israel y woalley: as hug Moses sharvaant y Chiarn shoh son eiraght da ny Reubeniteyn, as ny Gaditeyn, as lieh-tribe Vanasseh.

Ashlish 1:18

Mish eh ta bio, as va marroo; as cur-my-ner ta mee bio er son dy bragh, Amen; as ta aym ogheryn niurin as baase.