Jonah 4:8 - Yn Vible Casherick 1775 1819

⁸ As haink eh gy-kione, tra dirree yn ghrian, dy doardee Jee geay-niar fowanagh; as cha lajer shen va chiass ny greïney er kione Yonah, dy huitt eh my-neealloo, as yeearree eh ayns e chree, dy gheddyn baase, as dooyrt eh, Te ny share dooys dy ve marroo na dy ve bio.

Jonah 4:8 ပူးပေါင်းရင်းမြစ်များ

Genesis 41:6

As cur-my-ner, daase seose shiaght jeeassyn boghtey, as fowanit lesh y gheay-niar, geiyrt orroo.

1 Reeaghyn 19:4

Agh hie eh-hene jurnah laa gys yn aasagh, as haink eh, as hoie eh sheese fo billey-juniper: as ren eh aghin er e hon hene dy voghe eh baase; as dooyrt eh, S’lioar shoh; nish, O Hiarn, gow ersooyl my vioys; son cha vel mish ny share na my ayraghyn.

1 Reeaghyn 21:4

As hie Ahab stiagh gys e hie, trimshagh as jymmoosagh, kyndagh rish y fockle va Naboth yn Jezreelite er loayrt rish; son v’eh er ghra, Cha der-ym dhyt eiraght my ayraghyn: as lhie eh sheese er e lhiabbee, as hyndaa eh ersooyl e eddin, as cha goghe eh veg y veaghey.

Lioar Yob 2:10

Agh dooyrt eh r’ee, T’ou uss loayrt myr unnane jeh ny mraane mee-hushtagh. Cre shoh! jean mayd mie y ghoaill ec laue Yee, as nagh gow mayd rish seaghyn? Lesh ooilley shoh, cha daink drogh ockle ass beeal Yob.

Lioar Yob 7:15

Myr shen dy vel m’annym goaill stroialtys myr reih, as baase roish my vea.

Psalmyn 121:6

Myr shen nagh jean chiass ny greïney oo y lostey ’sy laa: ny’n eayst ’syn oie.

Psalmyn 39:9

Livrey mee veih ooilley my loghtyn: as ny lhig dou ’ve son craid da’n vooinjer vee-chrauee.

Ecclesiastes 7:9

Ny cur raad da corree siyragh ayns dty chree: son ta corree tannaghtyn ayns cleeau yn ommydan.

Arrane Solomon 1:6

Ny jeeagh-jee orrym’s, son dy vel my neeal dorraghey, as dy vel y ghrian er chaghlaa my vlaa: va cloan my vayrey neu-ghooghyssagh rhym, hug ad mee dy arrey ny garaghyn-feeyney, agh my gharey-feeyney hene cha dreill mee.

Isaiah 49:10

Cha bee ad accryssagh ny paagh; chamoo nee chiass loshtee yn ghrian skielley daue: son eshyn ta chymmoil orroo nee ad y leeideil, eer gys ny farraneyn ushtey ver eh lesh ad.

Ezekiel 19:12

Agh v’ee er ny astyrt ayns eulys, v’ee tilgit sheese gys y thalloo, as ren y gheay-niar shirgaghey seose ny messyn eck: va ny slattagyn lajer eck brisht as fiojit, stroie yn aile ad.

Hosea 13:15

Ga dy vel eh messoil mastey e vraaraghyn, hig geay-niar er, hig lomman lajer veih’n Chiarn seose ass yn aasagh, as chyrmee eh seose ny farraneyn-geill echey, as hed ny strooanyn ushtey echey naardey, nee eh spooilley ooilley tashtaghyn ny siyn aalin.

Leviticus 10:3

Eisht dooyrt Moses rish Aaron, Shoh ny loayr y Chiarn, gra, Beem’s er my chasherickey ayndoosyn ta tayrn er-gerrey dou, as kiongoyrt rish ooilley’n pobble bee’m er my ghloyraghey. As va Aaron ny host.

Jonah 1:17

Nish va’n Chiarn er chiarail eeast mooar dy lhuggey seose Jonah, as va Jonah ayns bolg yn eeast, three laa as three oieghyn.

Jonah 1:4

Agh hug y Chiarn magh geay vooar er yn aarkey, as va sterrym dorrinagh ayns y cheayn, myr shen dy row yn lhong ayns gaue brishey.

Jonah 4:3

Shen-y-fa nish, O Hiarn, gow, ta mee guee ort, my vioys voym; son te ny share dooys dy gheddyn baase, na dy ve bio.

Jonah 4:9

As dooyrt Jee rish Jonah, Vel uss jannoo dy mie, dy vel dty chorree er ny vrasnaghey son y ghourd? As dooyrt eh, Ta mee jannoo dy mie dy ve corree, eer gys sproght baaish.

Noo Mian 20:12

Gra, Cha vel yn vooinjer s’jerree shoh er n’obbraghey agh un oor, as t’ou er n’yannoo ad corrym rooinyn ta er n’ymmyrkey yn errey as chiass y laa.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er-y-fa shen, as gow arrys.

Ashlish 7:16

Cha bee ad accryssagh arragh, chamoo vees ad arragh paagh, chamoo huittys niart ny greïney orroo, ny chiass loshtee erbee.

1 Samuel 3:18

As dinsh Samuel da dy chooilley ockle, as cha cheill eh veg voish. As dooyrt Eli, She’n Chiarn t’ayn: e aigney dy row jeant.