Jonah 4:6 - Yn Vible Casherick 1775 1819

⁶ As chiare yn Chiarn Jee gourd, as hug eh er gaase seose harrish Jonah, son scadoo harrish e chione, dy gherjaghey eh ayns e hrimshey. Myr shen ghow Jonah boggey erskyn-towse jeh’n ghourd.

Jonah 4:6 ပူးပေါင်းရင်းမြစ်များ

Esther 5:9

Eisht hie Haman magh yn laa shen ayns ard-voggey, as gennallys e chree: agh tra honnick Haman Mordecai ayns giat y ree, nagh hass eh seose, as nagh chroym eh huggey, v’eh ayns farg dewil noi Mordecai.

Lioar Yob 7:2

Myr ta’n charvaant dy jeean geearree yn scadoo, as myr ta’n labree jeeaghyn son leagh e obbyr;

Raaghyn Creeney 23:5

Jean oo dty hooillyn y hoiaghey er shen nagh vel farraghtyn? son ta berchys dy shickyr jannoo skianyn daue hene; t’ad getlagh ersooyl myr urley neealloo yn aer.

Isaiah 39:2

As ren Hezekiah mooar jeu, as yeeagh eh daue ooilley cooid verchagh e hie, yn argid, as yn airh, as ny spiceyn, as yn ooil chostal, as ooilley thie e eilley-caggee, as ooilley ny va ry-gheddyn ayns ny tashtaghyn echey; cha row nhee erbee ayns e hie, ny ayns e slane reeriaght, nagh yeeagh eh daue.

Amos 6:13

Shiuish ta goaill boggey ayns red gyn veg, ta gra, Nagh vel shin er n’ghoaill dooin eairkyn lesh nyn niart hene?

Jonah 1:17

Nish va’n Chiarn er chiarail eeast mooar dy lhuggey seose Jonah, as va Jonah ayns bolg yn eeast, three laa as three oieghyn.

Jonah 4:5

Er shoh hie Jonah magh ass yn ard-valley as hoie eh er cheu-har jeh’n ard-valley, as hrog eh bwaag da hene ayns shen, as hoie eh fo yn scadoo echey, dy chur-my-ner cre’n erree harragh er yn ard-valley.

Jonah 4:7

Agh chiare Jee beishteig, moghrey yn laa er-giyn, as woaill eh yn gourd, dy ren eh fioghey.

Noo Luke 10:20

Ny-yeih ayns shoh ny gow-jee boggey, dy vel ny spyrrydyn biallagh diu: agh gow-jee boggey smoo, dy vel ny enmyn eu scruit ayns niau.

1 Corinthianee 7:30

As adsyn ta dobberan, myr nagh beagh ad dobberan; as adsyn ta ayns boggey, myr nagh beagh ad ayns boggey; as adsyn ta kionnaghey, myr nagh beagh ad goaill soylley jeh.