Jonah 4:4 - Yn Vible Casherick 1775 1819

⁴ Eisht dooyrt y Chiarn, Vel uss jannoo dy mie, ayns dy vel oo corree?

Jonah 4:4 ပူးပေါင်းရင်းမြစ်များ

Genesis 4:6

As dooyrt y Chiarn rish Cain, Cre’n-fa t’ou jymmoosagh? as cre’n-fa t’ou jeeaghyn cha groamagh?

1 Reeaghyn 21:4

As hie Ahab stiagh gys e hie, trimshagh as jymmoosagh, kyndagh rish y fockle va Naboth yn Jezreelite er loayrt rish; son v’eh er ghra, Cha der-ym dhyt eiraght my ayraghyn: as lhie eh sheese er e lhiabbee, as hyndaa eh ersooyl e eddin, as cha goghe eh veg y veaghey.

Lioar Yob 36:18

Fakin dy vel jymmoose dt’oï, cur twoaie nagh bee oo goit ersooyl lesh orraghey baaish: eisht cha bee saase ayns berchys dy chur feaysley dhyt.

Jonah 4:1

Agh va Jonah erskyn-towse jymmoosagh, as v’eh feer chorree.

Jonah 4:3

Shen-y-fa nish, O Hiarn, gow, ta mee guee ort, my vioys voym; son te ny share dooys dy gheddyn baase, na dy ve bio.

Jonah 4:5

Er shoh hie Jonah magh ass yn ard-valley as hoie eh er cheu-har jeh’n ard-valley, as hrog eh bwaag da hene ayns shen, as hoie eh fo yn scadoo echey, dy chur-my-ner cre’n erree harragh er yn ard-valley.

Jonah 4:9

As dooyrt Jee rish Jonah, Vel uss jannoo dy mie, dy vel dty chorree er ny vrasnaghey son y ghourd? As dooyrt eh, Ta mee jannoo dy mie dy ve corree, eer gys sproght baaish.

Micah 6:3

O my phobble, cre ta mee er n’yannoo rhyt, as cre ayns ta mee er n’yannoo deinagh jeed? jean gymmyrkey feanish m’oï.

Earrooyn 20:24

Bee Aaron er ny haglym gys e phobble: son cha jed eh stiagh ’sy cheer ta mish er yialdyn da cloan Israel, son dy row shiu mee-viallagh da my ghoo ec ushtey Meribah.

Noo Mian 20:15

Nagh vel eh lowal dou dy yannoo cre saillym rish my chooid hene? vel dty hooill’s olk, er-yn-oyr dy vel mish mie?