Jonah 4:2 - Yn Vible Casherick 1775 1819

² As ghow eh padjer gys y Chiarn, as dooyrt eh, Guee-ym ort, O Hiarn, nagh nee shoh va my raa, choud as va mee foast ayns my heer hene? shen-y-fa chossyn mee roym [dy gholl] gys Tarshish: son va fys aym dy vel oo Jee graysoil as myghinagh, moal gys corree, as jeh kenjallys vooar, as meiygh-chreeagh ayns kerraghey.

Jonah 4:2 ပူးပေါင်းရင်းမြစ်များ

1 Reeaghyn 19:4

Agh hie eh-hene jurnah laa gys yn aasagh, as haink eh, as hoie eh sheese fo billey-juniper: as ren eh aghin er e hon hene dy voghe eh baase; as dooyrt eh, S’lioar shoh; nish, O Hiarn, gow ersooyl my vioys; son cha vel mish ny share na my ayraghyn.

Psalmyn 103:8

Ta’n Chiarn lane dy hymmey as dy vyghin: surranse-foddey, as jeh mieys vooar.

Psalmyn 145:8

Ta’n Chiarn graysoil as myghinagh: jeh surranse-foddey, as mieys vooar.

Psalmyn 78:38

Agh v’eh cha myghinagh shen dy leih eh daue nyn voiljyn: as cha ren eh ad y stroie.

Psalmyn 86:15

Agh t’ou uss, O Hiarn Yee, lane dy hymmey as dy vyghin: surranse-foddey, feoilt ayns mieys as firrinys.

Psalmyn 86:5

Son t’ou uss, Hiarn, mie as graysoil: as jeh myghin vooar dauesyn ooilley ta geamagh ort.

Psalmyn 90:13

Chyndaa uss reesht, O Hiarn, ec y jerrey: as bee graysoil da dty harvaantyn.

Exodus 32:14

As va’n Chiarn er ny veiyghey veih’n olk, v’eh kiarit dy yannoo rish e phobble.

Jeremiah 18:8

My ta’n ashoon shen, n’oï ta mee er n’ockley magh my vriwnys, chyndaa veih’n olkys oc, goym arrys jeh yn olk shen va mee kiarit dy yannoo roo.

Jeremiah 20:7

O Hiarn, Ghow dty choyrle’s niart orrym, as va mee fo marranys; t’ou uss ny s’troshey na mish, as ta’n varriaght ayd: ta mee ayns faghid gagh-laa, ta dy chooilley unnane jannoo craid jee’m.

Jeremiah 26:13

Shen-y-fa nish jean-jee nyn raaidyn as nyn ymmyrkey-bea y lhiasaghey, as bee-jee biallagh da coraa yn Chiarn yn Jee eu; as nee yn Chiarn yn briwnys y chaghlaa, t’eh er n’ockley magh nyn ’oï.

Jeremiah 42:10

My uirrys shiu ’sy cheer shoh, eisht nee’m shiu y hroggal, as cha nee y lhieggal; as nee’m shiu y hoiaghey, as cha nee y astyrt: son s’mooar lhiam yn olk ta mee hannah er choyrt erriu.

Amos 7:3

Er shoh va’n Chiarn myghinagh; Cha bee eh myr shen, dooyrt y Chiarn.

Amos 7:6

Er shoh va’n Chiarn reesht myghinagh. Chamoo hig shoh erriu, ta’n Chiarn Jee dy ghra.

Jonah 1:3

Agh dirree Jonah seose dy roie er-chea gys Tarshish veih fenish y Chiarn, as hie eh sheese gys Joppa; as hooar eh lhong goll gys Tarshish: myr shen deeck eh yn leagh-shiaullee, as hie eh er boayrd, dy gholl mâroo gys Tarshish, veih fenish y Chiarn.

Jonah 3:10

As honnick Jee nyn obbraghyn, dy hyndaa ad veih nyn ghrogh raad, as ren Jee meiyghey mychione yn olk, v’eh er chiarail dy choyrt orroo, as cha dug eh orroo eh.

Jonah 3:9

Quoi ec ta fys my nee Jee chyndaa as meiyghey, as e yymmoose hrome y lhiettal, nagh jean mayd cherraghtyn?

Micah 7:18

Quoi ta ny Yee casley rhyt’s, ta leih mee-chairys, as maih’ghey yn shaghrynys ocsyn ta er-mayrn ayns e eiraght? cha vel eh freayll e chorree son dy bragh, er-yn-oyr dy vel eh goaill taitnys ayns myghin.

Noo Luke 10:29

Agh v’eshyn booiagh eh-hene y heyrey, as dooyrt eh rish Yeesey, As quoi my naboo?

Deuteronomy 4:31

(Son ta’n Chiarn dty Yee ny Yee myghinagh) cha jean eh dty hreigeil, chamoo nee eh dty stroie, ny jarrood conaant dty ayraghyn, vreear eh daue.