Jonah 4:11 - Yn Vible Casherick 1775 1819

¹¹ As nagh lhisin’s sparail Nineveh yn ard-valley mooar shen, ayn ta ny smoo na shey-feed thousane persoon, nagh vel fys oc er nyn laue yesh shaghey nyn laue chiare, as myrgeddin ymmodee maase?

Jonah 4:11 ပူးပေါင်းရင်းမြစ်များ

Genesis 9:10

As rish dagh cretoor bio ta mêriu, jeh ny eeanlee, jeh yn ollagh, as jeh ooilley beiyn y thallooin mêriu, veih ooilley ny ta goll magh ass yn arg, gys ooilley beiyn y thallooin.

Psalmyn 104:14

T’eh cur magh faiyr son y maase: as messyn y vagheragh son ymmyd dooinney;

Psalmyn 36:6

Ta dty chairys shassoo myr ny sleityn ard: ta dty vriwnyssyn goll-rish y diunid vooar.

Isaiah 1:18

Tar-jee nish, as lhig dooin pleadeil ry-cheilley, ta’n Chiarn dy ghra. Ga dy beagh nyn beccaghyn myr scarleod, bee ad gial myr sniaghtey; ga dy vel ad jiarg myr crimson, bee ad myr yn ollan vane.

Isaiah 37:37

Myr shen jimmee Sennacherib ree Assyria roish, as hie eh as hyndaa eh, as ren eh cummal ec Nineveh.

Isaiah 7:16

Son roish my vees toiggal ec y lhiannoo dy obbal yn olk, as dy reih yn mie, bee’n cheer ta dwoaie ayd urree treigit liorish y daa ree eck.

Jonah 1:2

Trog ort, immee gys Nineveh yn ard-valley mooar shen, as trog seose dty choraa noi eck, son ta’n mee-chraueeaght oc er jeet seose kiongoyrt rhym.

Jonah 3:10

As honnick Jee nyn obbraghyn, dy hyndaa ad veih nyn ghrogh raad, as ren Jee meiyghey mychione yn olk, v’eh er chiarail dy choyrt orroo, as cha dug eh orroo eh.

Jonah 4:10

Eisht dooyrt y Chiarn, Ta chymmey er ve ayd’s jeh’n ghourd, er y hon cha vel oo er laboragh, chamoo she uss hug er gaase, son daase eh ayns oie, as hie eh naardey ayns oie.

Noo Mian 18:33

Nagh lhisagh uss myrgeddin as chymmey er ve ayd er dty heshey-harvaant, eer myr va chymmey aym’s ort’s?

Deuteronomy 1:39

Myrgeddin, yn vooinjer veggey eu, dooyrt shiu veagh son spooilley, as nyn gloan, nagh row toiggal oc ’sy laa shen jeh mie as sie, hed adsyn stiagh ayn, dauesyn ver-yms eh, as gowee ad possession jeh.