Jonah 3:8 - Yn Vible Casherick 1775 1819

⁸ Agh lhig da dooinney as baagh ve er ny choodaghey lesh aanrit-sack, as geamagh dy jeean gys Jee: dy jarroo lhig daue chyndaa dy chooilley unnane veih e ghrogh raad, as veih’n tranlaase t’ayns nyn laueyn.

Jonah 3:8 ပူးပေါင်းရင်းမြစ်များ

Lioar Yob 16:17

Cha nee son mee-chairys erbee ayns my laueyn: ta my phadjer myrgeddin ynrick.

Lioar Yob 36:10

T’eh fosley nyn gleaysh myrgeddin gys ynsagh, as cur daue sarey dy hyndaa veih nyn mee-chairys.

Isaiah 58:6

Nagh nee shoh yn trostey ta mee er reih? dy eaysley ny geulaghyn dy vee-chraueeaght, dy eddrymaghey ny erraghyn tromey, as dy chur nyn reamys dauesyn ta tranlaasit, as dy vrishey dy chooilley whing?

Isaiah 59:6

Cha jig ny eggaghyn oc dy ve garmadyn, chamoo nee ad coodaghey ad-hene lesh yn ghrease oc hene: ta nyn obbraghyn obbraghyn dy vee-chairys, as ta tranlaase ayns nyn laueyn.

Jeremiah 18:11

Nish er-y-fa shen, gow royd, loayr rish deiney Yudah, as rish cummaltee Yerusalem, gra, Myr shoh ta’n Chiarn dy ghra, Cur-jee my-ner, ta mee kiarail olk nyn ’oï, as ta mee smooinaghtyn son kerraghey dy choyrt erriu: chyndaa-jee nish dagh unnane veih e ghrogh raad, as jean-jee nyn raaidyn as nyn obbraghyn y lhiasaghey.

Jeremiah 25:5

Dooyrt adsyn, Chyndaa-jee reesht nish dy chooilley ghooinney veih e raad mee-chrauee, as veih nyn ghrogh-yannoo, as jean-jee cummal ’sy cheer hug y Chiarn diuish, as da nyn ayraghyn, veih sheeloghe gys sheeloghe:

Jeremiah 26:3

My she shen dy jean ad geaishtagh, as dy chooilley ghooinney chyndaa veih e ghrogh raad, dy voddyms myrgeddin chyndaa ersooyl yn olk ta mee kiarail nyn gour son ooilley nyn ghrogh-yannoo.

Jeremiah 36:3

Hoiggal, foddee eh ’ve dy jean thie Yudah clashtyn ooilley nyn gerraghey ta mish kiarail orroo; dy vod ad chyndaa dy chooilley ghooinney veih e ghrogh raad, as mish dy leih daue yn vee-chairys oc, as nyn beccah.

Ezekiel 33:11

Abbyr roo, Myr ta mee bio, ta’n Chiarn Jee dy ghra, cha vel veg y taitnys aym’s ayns baase ny mee-chrauee, agh dy jinnagh ny mee-chrauee chyndaa veih nyn raad, as ve bio: chyndaa-jee, chyndaa-jee veih nyn ghrogh raaidyn; son cre’n-fa ta shiu tayrn baase erriu hene, O hie Israel?

Daniel 4:27

Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Joel 1:14

Jean-jee laa troshtee y chasherickey: cur-jee eam son feailley casherick dy ve er ny reayll: chaggle-jee yn chenndeeaght, as ooilley cummaltee ny cheerey, gys thie yn Chiarn y Jee eu, as eïe-jee gys y Chiarn,

Jonah 1:14

Shen-y-fa, deïe ad gys y Chiarn, as dooyrt ad, Ta shin guee ort, O Hiarn, ta shin guee ort, ny lhig dooin cherraghtyn son bioys yn dooinney shoh, as ny cur gys nyn lieh yn uill gyn-loght; son t’ou uss, O Hiarn, er n’yannoo myr s’gooidsave lhiat.

Jonah 1:6

Myr shen haink mainshtyr y lhong huggey, as dooyrt eh rish, Kys t’ou cadley myr shoh, y chadlag? irree, eïe er dty Yee, my she shen dy jean Jee smooinaghtyn orrin, nagh bee mayd caillit.

Noo Mian 3:8

Cur-jee magh nish er-y-fa shen messyn cooie dy arrys.

Jannoo 26:20

Agh hoilshee mee hoshiaght dauesyn v’ayns Damascus, as ec Jerusalem, as trooid ooilley ardjyn Yudea, as eisht da ny Ashoonee, ad dy ghoaill arrys as dy hyndaa gys Jee, as dy chur rish obbraghyn cooie son arrys.

Jannoo 3:19

Gow-jee arrys er-y-fa shen, as chyndaa-jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Ashlish 11:3

As ver-yms pooar da my ghaa eanish, as nee ad phadeyrys thousane daa cheead as three-feed laa coamrit ayns aanrit-sack.