Jonah 3:5 - Yn Vible Casherick 1775 1819

⁵ Myr shen ren sleih Nineveh credjal ayns Jee, as doardee ad laa troshtee, as hug ad orroo aanrit-sack veih’n vooinjer b’yrjey jeu, dy jarroo gys yn vooinjer b’inshley jeu.

Jonah 3:5 ပူးပေါင်းရင်းမြစ်များ

2 Reeaghyn 19:1

As haink eh gy-kione tra cheayll Hezekiah shoh, dy raip eh e choamrey, as choadee eh eh-hene lesh aanrit-sack, as hie eh stiagh ayns thie yn Chiarn.

2 Recortyssyn 20:3

As va aggle er Jehoshaphat, as chiare eh dy hirrey yn Chiarn, as doardee eh trostey dy ve er ny reayll trooid ooilley Judah.

Ezra 8:21

Eisht ren mee fockley magh laa troshtee ayns shen, ec awin Ahava, dy injillaghey shin hene kiongoyrt rish y Jee ain, dy hirrey veihsyn raad sauchey dooin hene, da nyn gloan veggey, as ooilley nyn gooid.

Esther 4:1

Tra cheayll Mordecai kys myr ve kiarit, raip Mordecai e choamrey: as hug eh er aanrit-sack lesh leoie, as hie eh magh gys mean yn ard-valley, as cheayn eh lesh coraa ard as sharroo.

Exodus 33:6

As hug cloan Israel nyn stoamid jeu rish slieau Horeb.

Jeremiah 31:34

As cha n’ynsee ad ny smoo dagh dooinney e naboo, as dy chooilley ghooinney e vraar, gra, Ynsee-jee tushtey yn Chiarn: son bee ad ooilley as tushtey oc jeem’s, veih’n er sloo gys yn er smoo jeu, ta’n Chiarn dy ghra: son leih-yms daue nyn loghtyn, as cha gooin-yms er y peccah oc ny smoo.

Jeremiah 36:9

As haink eh gy-kione, ayns y wheiggoo vleïn jeh reill Yehoiakim mac Yosiah ree Yudah, ayns y nuyoo vee, dy dug ad eam son trostey fenish y Chiarn da ooilley cummaltee Yerusalem, as da ooilley’n pobble haink veih ard-valjyn Yudah gys Jerusalem.

Jeremiah 42:1

Eisht haink er-gerrey ooilley ny captanyn-caggee, as Johanan mac Chareah, as Jezaniah mac Hoshaiah, as ooilley yn pobble, ard as injil,

Jeremiah 42:8

Eisht deïe eh er Johanan mac Chareah, as ooilley ny captanyn-caggee va mârish, as ooilley yn pobble, ard as injil,

Daniel 9:3

As hrog mish my eddin gys y Chiarn Jee, dy yeearree liorish padjer as accanyn, lesh trostey as aanrit-sack, as leoie.

Joel 1:14

Jean-jee laa troshtee y chasherickey: cur-jee eam son feailley casherick dy ve er ny reayll: chaggle-jee yn chenndeeaght, as ooilley cummaltee ny cheerey, gys thie yn Chiarn y Jee eu, as eïe-jee gys y Chiarn,

Jonah 3:7

As doardee eh eam dy v’er ny ockley magh, as er ny hoilshaghey trooid Nineveh (liorish sarey yn ree as e gheiney ooasle) gra, Ny lhig da dooinney ny baagh, shelloo ny shioltane blaystyn nhee erbee; ny lhig daue goaill beaghey, ny giu ushtey.

Noo Mian 12:41

Nee deiney Nineveh girree seose ayns briwnys, as y cheeloghe shoh y gheyrey, er-yn-oyr dy ghow ad arrys ec preacheil Yonas, as cur-my-ner, ta fer syrjey na Jonas ayns shoh.

Noo Luke 11:32

Nee deiney Nineveh girree seose ayns briwnys, as y cheeloghe shoh y gheyrey: son ghow adsyn arrys ec preacheil Yonas; as cur-my-ner, ta fer syrjey na Jonas ayns shoh.

Jannoo 27:25

Shen-y-fa, gheiney vie, cum-jee seose nyn gree: son ta mee credjal Jee, dy bee eh eer myr ve giallit dou.

Jannoo 8:10

Da shoh v’ad ooilley cur tastey, beg as mooar, gra, Yn dooinney shoh pooar vooar Yee.

Hebrewnee 11:1

Nish ta credjue slane bree ny reddyn ta shin treishteil dy gheddyn, shickyrys reddyn nagh vel [foast] ry-akin.

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry-akin, greinnit lesh aggle, ren eh arg y hroggal dy hauail e lught-thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

Ashlish 11:3

As ver-yms pooar da my ghaa eanish, as nee ad phadeyrys thousane daa cheead as three-feed laa coamrit ayns aanrit-sack.