Jonah 3:4 - Yn Vible Casherick 1775 1819

⁴ As ghow Jonah toshiaght dy gholl stiagh ’syn ard-valley lesh jurnah laa, as dockle eh magh e choraa, as dooyrt eh, Foast ec kione da-eed laa, as bee Nineveh er ny stroie.

Jonah 3:4 ပူးပေါင်းရင်းမြစ်များ

2 Reeaghyn 20:1

Ayns ny laghyn shen va Hezekiah ching, as ayns raad y vaaish. As haink Isaiah mac Amoz huggey, as dooyrt eh rish, Myr shoh ta’n Chiarn dy ghra, Jean dty hymney; son yiow baase, cha jean oo coural.

2 Reeaghyn 20:6

As ver-yms gys dty laghyn queig bleeaney jeig; as livrey-ym uss, as yn ard-valley shoh, ass laue ree Assyria; as neem’s yn ard-valley y choadey er my ghraih hene, as er graih Ghavid my harvaant.

Isaiah 30:18

As shen-y-fa nee’n Chiarn farkiaght dy ve graysoil diu, as shen-y-fa, bee eh er ny ghloyraghey, dy vod eh jannoo myghin erriu: son ta’n Chiarn ny Yee dy vriwnys: bannit t’adsyn ooilley ta farkiaght ersyn.

Jeremiah 42:10

My uirrys shiu ’sy cheer shoh, eisht nee’m shiu y hroggal, as cha nee y lhieggal; as nee’m shiu y hoiaghey, as cha nee y astyrt: son s’mooar lhiam yn olk ta mee hannah er choyrt erriu.

Jonah 3:10

As honnick Jee nyn obbraghyn, dy hyndaa ad veih nyn ghrogh raad, as ren Jee meiyghey mychione yn olk, v’eh er chiarail dy choyrt orroo, as cha dug eh orroo eh.

Noo Mian 12:41

Nee deiney Nineveh girree seose ayns briwnys, as y cheeloghe shoh y gheyrey, er-yn-oyr dy ghow ad arrys ec preacheil Yonas, as cur-my-ner, ta fer syrjey na Jonas ayns shoh.

Noo Luke 11:30

Son myr va Jonas ny chowrey da ny Nineviteyn, er yn aght cheddin neesht vees Mac y dooinney da’n cheeloghe shoh.

Noo Luke 11:32

Nee deiney Nineveh girree seose ayns briwnys, as y cheeloghe shoh y gheyrey: son ghow adsyn arrys ec preacheil Yonas; as cur-my-ner, ta fer syrjey na Jonas ayns shoh.

Deuteronomy 18:22

Tra ta phadeyr loayrt ayns ennym y Chiarn, as mannagh jig yn red gy-kione, ny ve cooilleenit, shen y red nagh vel y Chiarn er loayrt, agh ta’n phadeyr er loayrt eh dy daaney er e chione hene: cha bee aggle ort roish.