Jonah 3:10 - Yn Vible Casherick 1775 1819

¹⁰ As honnick Jee nyn obbraghyn, dy hyndaa ad veih nyn ghrogh raad, as ren Jee meiyghey mychione yn olk, v’eh er chiarail dy choyrt orroo, as cha dug eh orroo eh.

Jonah 3:10 ပူးပေါင်းရင်းမြစ်များ

1 Recortyssyn 21:15

As hug Jee e ainle gys Jerusalem dy stroie eh; as myr v’eh stroie, chur y Chiarn my-ner, as ghow eh chymmey jeh’n stayd treih oc, as dooyrt eh rish yn ainle va stroie, S’lioar eh, tayrn back dty laue. As hass ainle y Chiarn liorish laare-vooie Ornan yn Jebusite.

Exodus 32:14

As va’n Chiarn er ny veiyghey veih’n olk, v’eh kiarit dy yannoo rish e phobble.

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Isaiah 30:18

As shen-y-fa nee’n Chiarn farkiaght dy ve graysoil diu, as shen-y-fa, bee eh er ny ghloyraghey, dy vod eh jannoo myghin erriu: son ta’n Chiarn ny Yee dy vriwnys: bannit t’adsyn ooilley ta farkiaght ersyn.

Jeremiah 18:7

Cre-erbee yn traa loayr-yms mychione ashoon, as mychione reeriaght, dy astyrt, as dy lhieggal, as dy stroie eh:

Jeremiah 18:8

My ta’n ashoon shen, n’oï ta mee er n’ockley magh my vriwnys, chyndaa veih’n olkys oc, goym arrys jeh yn olk shen va mee kiarit dy yannoo roo.

Jeremiah 36:3

Hoiggal, foddee eh ’ve dy jean thie Yudah clashtyn ooilley nyn gerraghey ta mish kiarail orroo; dy vod ad chyndaa dy chooilley ghooinney veih e ghrogh raad, as mish dy leih daue yn vee-chairys oc, as nyn beccah.

Jeremiah 42:10

My uirrys shiu ’sy cheer shoh, eisht nee’m shiu y hroggal, as cha nee y lhieggal; as nee’m shiu y hoiaghey, as cha nee y astyrt: son s’mooar lhiam yn olk ta mee hannah er choyrt erriu.

Joel 2:13

As raip-jee nyn gree, as cha nee nyn goamraghyn, as chyndaa-jee gys y Chiarn y Jee eu; son t’eh graysoil as myghinagh, moal gys corree, as dy chenjallys vooar, as meiygh-chreeagh tra t’eh kerraghey.

Amos 7:3

Er shoh va’n Chiarn myghinagh; Cha bee eh myr shen, dooyrt y Chiarn.

Amos 7:6

Er shoh va’n Chiarn reesht myghinagh. Chamoo hig shoh erriu, ta’n Chiarn Jee dy ghra.

Jonah 4:11

As nagh lhisin’s sparail Nineveh yn ard-valley mooar shen, ayn ta ny smoo na shey-feed thousane persoon, nagh vel fys oc er nyn laue yesh shaghey nyn laue chiare, as myrgeddin ymmodee maase?

Jonah 4:2

As ghow eh padjer gys y Chiarn, as dooyrt eh, Guee-ym ort, O Hiarn, nagh nee shoh va my raa, choud as va mee foast ayns my heer hene? shen-y-fa chossyn mee roym [dy gholl] gys Tarshish: son va fys aym dy vel oo Jee graysoil as myghinagh, moal gys corree, as jeh kenjallys vooar, as meiygh-chreeagh ayns kerraghey.

Noo Luke 11:32

Nee deiney Nineveh girree seose ayns briwnys, as y cheeloghe shoh y gheyrey: son ghow adsyn arrys ec preacheil Yonas; as cur-my-ner, ta fer syrjey na Jonas ayns shoh.

Noo Luke 15:20

As hrog eh er, as haink eh gys e ayr. Agh tra v’eh foast foddey veih, honnick e ayr eh, as va chymmey echey er, as roie eh, as ghow eh eh ayns e roihaghyn, as phaag eh eh.