Jonah 2:4 - Yn Vible Casherick 1775 1819

⁴ Eisht dooyrt mee, Ta mee ceaut magh ass dty hilley; agh ny-yeih nee’m jeeaghyn reesht lesh dty hiamble casherick.

Jonah 2:4 ပူးပေါင်းရင်းမြစ်များ

1 Reeaghyn 8:42

(Son nee ad clashtyn jeh dty ennym mooar, as jeh dty laue lajer, as jeh dty roih sheeynt magh;) tra hig eh as padjer y ghoaill lesh y thie shoh:

1 Reeaghyn 8:48

As myr shen ad dy hyndaa hood’s lesh ooilley nyn gree, as lesh ooilley nyn annym, ayns cheer nyn noidyn hug lhieu ad ayns cappeeys, as guee hood’s lesh y cheer hug oo da nyn ayraghyn, yn ard-valley t’ou uss er reih, as yn thie ta mish er hroggal son dt’ennym:

1 Reeaghyn 9:7

Eisht nee’m Israel y yiarey magh veih’n cheer ta mee er chur daue: as y thie shoh ta mee er chasherickey son my ennym, scugh-ym ass my hilley; as hig Israel dy ve son craid as an-ghoo mastey dy chooilley phobble:

2 Recortyssyn 6:38

My hyndaa-ys ad reesht hood’s lesh ooilley nyn gree, as lesh ooilley nyn annym, ayns cheer nyn gappeeys, huggey t’ad er nyn goyrt lhieu, as dy gow ad padjer lesh nyn eddin gys y cheer shoh hug oo da nyn ayraghyn, as gys yn ard-valley t’ou er reih, as gys y thie ta mish er hroggal son dt’ennym:

Psalmyn 31:22

Nee oo ad y choadey ayns boayl follit dty enish veih brasnaghey dy chooilley ghooinney: nee oo ad y cheiltyn ayns dty chabbane veih argane chengaghyn.

Psalmyn 42:8

My Yee, ta m’annym seaghnit cheu-sthie jee’m: shen-y-fa neem’s cooinaghtyn ort’s mychione thalloo Yordan, as cronk beg Hermon.

Psalmyn 5:7

Agh er my hon’s, hig-ym gys dty hie, er eer ymmodee dty vyghin: as ayns dty aggle ver-yms ooashley kiongoyrt rish dty hiamble casherick.

Psalmyn 88:6

Ta dty yymmoose lhie dy trome orrym: as t’ou er my heaghney lesh ooilley dty sterrymyn.

Psalmyn 88:7

T’ou er choyrt m’ainjys foddey voym: as er chur orrym dy ve feohdoil daue.

Isaiah 38:17

Cur-my-ner, ayns ynnyd shee, va mee ayns diunid sproght; agh t’ou uss, O Hiarn, jeh dty ghraih er hayrn my annym veih’n ooig dy loauid: son t’ou er hilgey ooilley my pheccaghyn er cheu dty chooylloo.

Isaiah 49:14

Agh dooyrt Zion, Ta’n Chiarn er m’y hreigeil, as ta my Hiarn er my yarrood.

Jeremiah 15:1

Eisht dooyrt y Chiarn rhym, Ga dy shassagh Moses as Samuel kiongoyrt rhym, ny-yeih cha vod my aigney y ve lesh y pobble shoh; ceau magh ad ass my hilley, as lhig daue goll.

Jeremiah 7:15

As nee’m shiu y hilgey magh ass my hilley, myr ta mee er hilgey magh ooilley nyn mraaraghyn, eer slane sluight Ephraim.

Dobberan 3:54

Ren ushtaghyn lhieeney harrish my chione, eisht dooyrt mee, Ta mee giarit jeh.

Ezekiel 37:11

Eisht dooyrt eh rhym, Vac y dooinney, ta ny craueyn shoh slane thie Israel: cur-my-ner t’ad gra, Ta ny craueyn ain shirgit, as ta nyn dreishteil er vailleil, er nyn son ain, ta shin giarit jeh.

Daniel 6:10

Nish tra hoig Daniel dy row ny screeuyn signit, hie eh stiagh gys e hie, as e uinniagyn ayns e hiamyr foshlit lesh Jerusalem, hie eh er e ghlioonyn three keayrtyn ’sy laa, as ghow eh padjer, as hug eh booise kiongoyrt rish e Yee, myr bollagh eh.

Jonah 2:7

Tra ren my annym gannooinaghey cheu-sthie jee’m, chooinee mee er y Chiarn, as haink my phadjer stiagh hood, gys dty hiamble casherick.