Jonah 2:2 - Yn Vible Casherick 1775 1819

² As dooyrt eh, Deïe mee kyndagh rish my heaghyn gys y Chiarn, as ren eh my chlashtyn; veih diunid yn oaie deïe mee, as cheayll oo my choraa.

Jonah 2:2 ပူးပေါင်းရင်းမြစ်များ

2 Recortyssyn 33:12

As tra v’eh ayns seaghyn, ren eh aghin gys y Chiarn e Yee, as ren eh eh-hene y injillaghey dy mooar kiongoyrt rish Jee e ayraghyn.

Psalmyn 116:3

Haink ribbaghyn y vaaish mygeayrt-y-moom: as ghow pianyn niurin greme orrym.

Psalmyn 120:1

Tra va mee ayns seaghyn deïe mee gys y Chiarn: as ren eh m’y chlashtyn.

Psalmyn 16:10

Shen-y-fa va my chree gennal as my ghloyr lane dy voggey: nee my challin myrgeddin goaill fea ayns treishteil.

Psalmyn 22:24

Son cha vel eh er hoiaghey beg jeh, ny er hreigeil stayd injil y voght: cha vel eh er ollaghey e eddin veih, agh tra deïe eh er, hug eh clashtyn da.

Psalmyn 34:6

Cur-my-ner, ta’n boght geamagh, as ta’n Chiarn clashtyn eh: dy jarroo, as t’eh sauail eh ass ooilley e heaghyn.

Psalmyn 4:1

Clasht rhym tra ta mee geamagh, O Yee my chairys: t’ou er choyrt feaysley dooys tra va mee ayns seaghyn; jean myghin orrym, as eaisht rish my phadjer.

Psalmyn 61:2

Veih king y theihll nee’m geamagh ort: tra ta my chree ayns trimshey.

Psalmyn 65:2

Uss ta clashtyn y phadjer: hood’s nee dy chooilley eill cheet.

Psalmyn 86:13

Son s’mooar ta dty vyghin hym’s: as t’ou er livrey m’annym veih diunid ny hoaie.

Isaiah 14:9

Ta niurin veih heese er ny ghoostey er dty hon, dy heet dty whail tra hig oo: te gleashagh seose ny merriu er dty hon, dy feer ooilley ard-gheiney yn theihll; te er hroggal seose veih nyn stuill-reeoil ooilley reeaghyn ny ashoonyn.

Dobberan 3:55

Deïe mee er dty ennym, O Hiarn, veih diunid yn ooig.

Ezekiel 26:20

Tra ver-yms lhiam sheese oo, mâroosyn ta goll sheese gys yn oaie, marish pobble y chenn earish, as ver-ym ort dy lhie fo diunid ny hooirey, ayns boayl foddey treigit, mâroosyn ta goll sheese gys yn oaie, nagh bee cummaltee aynyd; as nee’m soiaghey gloyr ayns thalloo ny bioee:

Ezekiel 31:14

Son raaue, nagh jean veg jeh ooilley ny biljyn, ta rish ny ushtaghyn, mooar-soiaghey jeu hene son nyn yrjid, chamoo sheeyney seose nyn mullagh mastey ny banglaneyn choo, chamoo ny biljyn oc dy hassoo seose ayns nyn yrjid, ooilley ta giu ushtey: son t’ad ooilley er nyn livrey gys baase, fo diunid y thallooin, mastey cloan gheiney, mâroosyn ta goll sheese gys yn oaie.

Noo Mian 12:40

Son myr va Jonas three laghyn as three oieghyn ayns bolg y whale: myr shen bee Mac y dooinney three laghyn as three oieghyn ayns cree yn thallooin.

Noo Luke 11:10

Son ta dy chooilley unnane ta geearree, geddyn: as y fer ta shirrey, feddyn: as eshyn ta aignagh fosley y gheddyn, bee eh er ny osley da.

Noo Luke 22:44

As v’eh ayns angaish vooar, as ghow eh padjer ny s’jeeaney: as va’n ollish echey myr bineyn mooarey folley tuittym gys y thalloo.

Jannoo 2:27

Er-y-fa nagh vaag oo my annym ayns stayd ny merriu, as nagh lhig oo da dty Er-casherick loauys y ennaghtyn.

Hebrewnee 5:7

Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

1 Samuel 1:16

Ny gow dt’inney-veyl dy ve inneen Velial: son veih mooadys my hrimshey as my heaghyn ta mee ec y traa shoh er hebbal my phadjer.

1 Samuel 30:6

As va David dy mooar seaghnit; son va’n pobble aarloo dy chlaghey eh, er-yn-oyr dy row cree ooilley’n pobble trimshagh, dy chooilley ghooinney son e vec, as e inneenyn: agh hug David e varrant ayns y Chiarn e Yee.