Jonah 2:10 - Yn Vible Casherick 1775 1819

¹⁰ As hug y Chiarn currym er yn eeast, as hilg eh magh Jonah er y thalloo chirrym.

Jonah 2:10 ပူးပေါင်းရင်းမြစ်များ

Genesis 1:11

As dooyrt Jee, Lhig da’n thalloo gymmyrkey faiyr, yn losserey ceau rass, as y billey gymmyrkey mess lurg e ghooghys, yn rass echey t’ayns hene er y thalloo, as shen myr ve.

Genesis 1:14

As dooyrt Jee, Lhig da soilshaghyn ve ayns yn ayr fo niau, dy scarrey yn laa veih yn oie: as lhig daue ve son cowraghyn, as son imbaghyn, as son laghyn, as bleeantyn.

Genesis 1:3

As dooyrt Jee, Lhig da soilshey ’ve ayn: as va soilshey ayn.

Genesis 1:7

As chroo Jee yn aer; as scarr eh ny ushtaghyn fo yn aer, veih ny ushtaghyn erskyn yn aer: as shen myr ve.

Genesis 1:9

As dooyrt Jee, Lhig da ny ushtaghyn fo yn aer ve er nyn jaglym cooidjagh gys un voayl, as lhig da’n thalloo chirrym cheet rish; as shen myr ve.

Psalmyn 105:31

Loayr eh yn fockle, as haink dy chooilley cheint dy veishteigyn: as meeylyn ayns ooilley ny ardjyn oc.

Psalmyn 105:34

Loayr eh yn fockle, as haink ny locustyn, as braddagyn erskyn-earroo: as d’ee ad seose ooilley yn faiyr v’ayns y cheer oc, as stroie ad messyn y thallooin.

Psalmyn 22:26

Nee ny boghtyn gee, as bee ad er nyn yannoo magh: adsyn ta shirrey lurg y Chiarn, moyllee ad eh; bee’n cree eu bio son dy bragh.

Psalmyn 33:9

Son loayr eh, as ve jeant: hug eh sarey, as hass eh shickyr.

Isaiah 38:20

Va’n Chiarn aarloo dy hauail mee: shen-y-fa gowee mayd arraneyn-moyllee er greïnyn-kiaullee strengit, ooilley laghyn nyn mea, ayns thie yn Chiarn.

Isaiah 43:11

Mish, dy jarroo mish, y Chiarn; as cheu-mooie jeem’s cha vel Saualtagh erbee.

Isaiah 50:2

Kys ve, tra haink mee, nagh row dooinney erbee? tra deïe mee, nagh ren fer freggyrt? Vel my laue cha giare shen, nagh voddym livrey? as nagh vel pooar aym dy hauail? cur-my-ner, ec my oghsan ta mee chyrmaghey seose yn aarkey, ta mee chyndaa ny awinyn gys faasagh: ta’n eeast oc breinnaghey laccal ushtey, as goll naardey ’sy chyrmid.

Hosea 13:4

Foast ta mish y Chiarn dty Yee veih thalloo Egypt, as cha bee enney ayd er Jee erbee agh orrym’s, agh cha vel saualtagh erbee agh mish.

Hosea 14:3

Cha jean Ashur sauail shin, cha jean mayd markiaght er cabbil, chamoo jir mayd arragh rish obbyr ny laueyn ain hene, Shiuish ny jeeghyn ain: son aynyd’s ta’n chloan gyn ayr geddyn myghin.

Jonah 1:17

Nish va’n Chiarn er chiarail eeast mooar dy lhuggey seose Jonah, as va Jonah ayns bolg yn eeast, three laa as three oieghyn.

Jonah 3:1

As haink goo yn Chiarn gys Jonah yn nah cheayrt, gra,