Jonah 1:9 - Yn Vible Casherick 1775 1819

⁹ As dooyrt eh roo, She Hebrew mee, as ta mee goaill aggle roish y Chiarn, Jee ny flaunys, t’er chroo yn aarkey as y thalloo chirrym.

Jonah 1:9 ပူးပေါင်းရင်းမြစ်များ

Genesis 1:10

As denmys Jee yn thalloo chirrym Ooir; as chaglym cooidjagh ny ushtaghyn denmys eh Faarkaghyn: as honnick Jee dy row eh mie.

Genesis 14:13

As haink fer jeusyn v’er roie er-chea, as dinsh eh shoh da Abram yn Hebrew; son v’eh cummal ayns strah Mamre yn Amorite, braar Eshcol, as braar Aner: v’ad shoh er n’yannoo cordail rish Abram.

Genesis 24:7

Yn Chiarn Jee jeh niau, ghow mee veih thie my ayrey, as veih cheer my chynney, as ren loayrt rhym, as ren breearrey dou, gra, Da dty luight ver-yms yn cheer shoh; v’er eshyn e ainle royd, as gowee oo ben da my vac veih’n cheer shen.

Genesis 39:14

Dy dyllee ee gys sleih yn thie eck, as loayr ee roo, gra, Jeeagh-jee, t’eh er choyrt lesh Hebrew stiagh hooin, dy hayrn scammylt orrin: haink eh stiagh hym’s dy lhie mârym, as dyllee mee lesh coraa ard.

2 Reeaghyn 17:25

As myr shen ve, ee toshiaght yn chummal oc ayns shen, nagh ghow ad aggle roish y Chiarn; shen-y-fa hug y Chiarn lionyn nyn vud oc, varr paart jeu.

2 Reeaghyn 17:28

Eisht haink fer jeh ny saggyrtyn v’ad er choyrt lhieu veih Samaria, as chum eh ayns Beth-el, as dynsee eh ad ayns aggle y Chiarn.

Ezra 1:2

Myr shoh ta Cyrus ree Phersia dy ghra, Ta’n Chiarn Jee t’ayns niau, er choyrt dooys ooilley reeriaghtyn ny ashoonyn shoh, as er choyrt currym orrym dy hroggal thie da ec Jerusalem, t’ayns Judah.

Ezra 5:11

As shoh’n ansoor hug ad dooin, Ta shinyn sharvaantyn y Jee chroo niau as thalloo, as cha vel shin agh troggal reesht y thie, va troggit ymmodee bleeantyn er-dy-henney, ren ree mooar ayns Israel troggal, as soiaghey seose.

Nehemiah 1:4

As haink eh gy-kione, tra cheayll mee ny goan shoh, dy hoie mee sheese, as ren mee keayney as dobberan dy trimshagh son ymmodee laghyn, as hrosht mee, as ghow mee padjer gys Jee niau,

Nehemiah 2:4

Eisht dooyrt y ree rhym, Cre ta dty yeearree? Er shoh ren mee my phadjer gys Jee niau.

Nehemiah 9:6

Uss, eer uss dty-lomarcan y Chiarn, uss t’er chroo niau ny niaughyn, marish ooilley ny pooaraghyn oc, yn thalloo as ooilley ny t’ayn, ny faarkaghyn, as ooilley ny t’ayndoo, as t’ou dy choadey ad ooilley, ta sheshaght-flaunyss cur ooashley dhyt.

Lioar Yob 1:9

Eisht dreggyr Satan y Chiarn, Vel Job goaill aggle roish Jee nastee?

Psalmyn 136:26

O cur-jee booise da Jee ny niaughyn: son ta e vyghin farraghtyn son dy bragh.

Exodus 1:15

As loayr ree Egypt rish ny mraane-reaylt Hebrewnagh (va ennym y derrey yeh Shiphrah, as ennym y jeh elley Puah.)

Exodus 2:13

As tra hie eh magh yn laa er-giyn, cur-my-ner va daa ghooinney jeh ny Hebrewnee streeu ry-cheilley: as dooyrt eh rishyn v’ayns yn oill, Cre’n-fa t’ou bwoalley dty heshey?

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Hosea 3:5

Ny lurg shen nee cloan Israel chyndaa reesht, as shirrey gys y Chiarn nyn Yee, as David nyn ree, as gowee ad aggle roish y Chiarn as e vieys, ayns ny laghyn jerrinagh.

Jannoo 14:15

As gra, Gheiney, cre’n-fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardalyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

Jannoo 27:23

Son hass liorym’s noght ainle Yee, quoi s’liesh mee, as eh ta mee dy hirveish,

Philippianee 3:5

Er my ghiarey-chymmylt yn hoghtoo laa, jeh kynney Israel, jeh sheeloghe Venjamin, Hebrew [dooie] jeh ny Hebrewnee; mychione my chredjue ’sy leigh, my Pharisee:

Ashlish 11:13

As ’syn oor cheddin va craa mooar thallooin ayn, as huitt yn jeihoo ayrn jeh’n ard-valley, as ayns y craa-thallooin v’er nyn stroie shiaght thousane dooinney: as v’adsyn va er-mayrn atchimagh, as hug ad gloyr da Jee t’ayns niau.

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty-lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.

Ashlish 16:11

As doltooan ad Jee niau, ayns nyn angaish as nyn jingyn, as cha row arrys orroo son nyn obbraghyn.