Jonah 1:6 - Yn Vible Casherick 1775 1819

⁶ Myr shen haink mainshtyr y lhong huggey, as dooyrt eh rish, Kys t’ou cadley myr shoh, y chadlag? irree, eïe er dty Yee, my she shen dy jean Jee smooinaghtyn orrin, nagh bee mayd caillit.

Jonah 1:6 ပူးပေါင်းရင်းမြစ်များ

2 Samuel 12:22

As dooyrt eh, Choud’s va bioys foast ’sy lhiannoo, ren mee trostey as dobberan; son dooyrt mee, Quoi ec ta fys nagh bee Jee cha graysoil dou as dy vod y lhiannoo coural.

Esther 4:16

Immee as chaggil cooidjagh ooilley ny Hewnyn t’ayns Shushan, as trosht-jee er my hon’s, as ny jean-jee gee ny giu son three laa, oie ny laa: neem’s as my vraane aegey myrgeddin trostey, as eisht hem stiagh gys y ree, red nagh vel cordail rish y leigh: as my ta mee kiarit son cherraghtyn, lhig dou cherraghtyn.

Psalmyn 107:6

Eisht deïe ad er y Chiarn ayns nyn seaghyn: as livrey eh ad ass nyn jennid.

Psalmyn 78:34

Tra stroie eh ad, ren ad eh y hirrey: as hyndaa ad ad-hene dy moghey, as ren ad briaght lurg Jee.

Isaiah 3:15

Cre’n-oyr t’eu dy vel shiu broo my phobble gys peeshyn, as scryssey eddin ny boghtyn? ta’n Chiarn, Jee ny flaunyssee, dy ghra.

Ezekiel 18:2

Cre ta shiu dy hoiggal dy vel eu yn chenn raa-cadjin shoh mychione cheer Israel, gra, Ta ny ayraghyn er n’ee berrishyn-feeyney soor, as ta feeacklyn y chloan er n’gholl jeaid?

Joel 2:11

As nee yn Chiarn fockley-magh e choraa roish e heshaght-chaggee; son ta’n camp echey feer vooar, son s’niartal t’eshyn, ta cooilleeney e ghoo: son ta laa yn Chiarn mooar, as feer atchimagh, as quoi oddys shassoo roish?

Amos 5:15

Bee-jee dwoaiagh er yn olk, as aggindagh er y vie, as jean-jee briwnys y niartaghey ayns y yiat: foddee dy bee yn Chiarn Jee ny flaunyssee, graysoil da fooilliagh Yoseph.

Jonah 3:8

Agh lhig da dooinney as baagh ve er ny choodaghey lesh aanrit-sack, as geamagh dy jeean gys Jee: dy jarroo lhig daue chyndaa dy chooilley unnane veih e ghrogh raad, as veih’n tranlaase t’ayns nyn laueyn.

Jonah 3:9

Quoi ec ta fys my nee Jee chyndaa as meiyghey, as e yymmoose hrome y lhiettal, nagh jean mayd cherraghtyn?

Jannoo 21:13

Eisht dreggyr Paul, Cre shoh ta shiu jannoo, dy cheayney as brishey my chree? son ta mee aarloo, cha nee ynrycan dy ve er my choyrt ayns geulaghyn, agh eer dy hurranse baase ec Jerusalem er graih ennym y Chiarn Yeesey.

Romanee 13:11

As shen, liorish coyrt tastey da’n traa, dy vel eh nish ard traa dy ghoostey ass cadley: son nish ta nyn saualtys ny sniessey na ve tra ren shin hoshiaght credjal.

Ephesianee 5:14

Shen-y-fa t’eh gra, Dooisht, uss ta dty chadley, as irree veih ny merriu, as ver Creest soilshey diu.