Jonah 1:5 - Yn Vible Casherick 1775 1819

⁵ Eisht va aggle er ny marrinee, as deïe ad dagh dooinney gys e yee, as hilg ad magh yn chooid v’er boayrd ’sy cheayn, dy eddrymaghey yn lhong: agh va Jonah ersooyl sheese ’sy chabbane, as lhie eh, as v’eh trome ny chadley.

Jonah 1:5 ပူးပေါင်းရင်းမြစ်များ

1 Reeaghyn 18:26

As ghow ad yn dow va er ny chur daue, as daarlee ad eh, as deïe ad er ennym Vaal veih’n voghrey dy jarroo gys yn vun-laa, gra, O Vaal, clasht rooin! Agh cha row coraa, ny fer erbee ren gansoor. As ren ad lheimyragh mygeayrt yn altar v’ad er droggal.

Lioar Yob 2:4

As dreggyr Satan y Chiarn, as dooyrt eh, Crackan son crackan; eer ooilley ny t’ec dooinney ver eh son e vioys hene.

Psalmyn 107:25

Son ec e ockle ta’n gheay stermagh girree: ta troggal seose ny tonnyn echey.

Psalmyn 148:8

Aile as sniaghtey-garroo, sniaghtey meen as kay: geay as sterrym, cooilleeney e ghoo;

Ecclesiastes 3:6

Traa dy chosney, as traa dy choayl: traa dy hashtey, as traa dy chur magh:

Isaiah 45:20

Chaggle-jee shiu hene as tar-jee; tar-jee er-gerrey cooidjagh, shiuish scapailtee ny ashoonyn: t’ad gyn tushtey ta soiaghey seose fuygh nyn yalloo grainnit, as ta goaill padjer gys jee nagh vod sauail.

Jeremiah 2:28

Agh cre vel ny jeeghyn ayd’s ren oo dhyt hene? lhig dauesyn girree seose, my oddys ad oo y hauail ayns earish dty heaghyn: son corrym rish earroo dty ard-valjyn ta ny jeeghyn ayd’s, O Yudah.

Hosea 7:14

As cha vel ad er ghoaill padjer hym veih nyn gree, tra v’ad gaccan er nyn lhiabbaghyn: t’ad chaglym cooidjagh son arroo as feeyn, as girree-magh m’oï.

Jonah 1:14

Shen-y-fa, deïe ad gys y Chiarn, as dooyrt ad, Ta shin guee ort, O Hiarn, ta shin guee ort, ny lhig dooin cherraghtyn son bioys yn dooinney shoh, as ny cur gys nyn lieh yn uill gyn-loght; son t’ou uss, O Hiarn, er n’yannoo myr s’gooidsave lhiat.

Jonah 1:16

Eisht ghow ny deiney aggle roish y Chiarn erskyn-towse, as ren ad breearrey dy hebbal oural da’n Chiarn.

Jonah 1:6

Myr shen haink mainshtyr y lhong huggey, as dooyrt eh rish, Kys t’ou cadley myr shoh, y chadlag? irree, eïe er dty Yee, my she shen dy jean Jee smooinaghtyn orrin, nagh bee mayd caillit.

Noo Mian 25:5

Choud as v’ad fieau er y dooinney-poosee, huitt ad ooilley er saveenagh as cadley.

Noo Mian 26:43

As haink eh as hooar eh ad nyn gadley reesht: son va ny sooillyn oc trome.

Noo Mian 26:45

Eisht haink eh gys e ostyllyn, as dooyrt eh roo, Caddil-jee nish, as gow-jee nyn vea; cur-my-ner ta’n oor tayrn er-gerrey, as ta’n Mac dooinney er ny vrah gys laueyn peccee.

Jannoo 27:38

As tra v’ad jeant magh lesh bee, deddrymmee ad y lhong, as hilg ad y churnaght harrish boayrd ’sy cheayn.

Briwnyn 16:19

As hug ee er cadley er e glioonyn, as deïe ee er fer, as hug ee er shaval shiaght skeogyn e ching; as ren ee toshiaght dy voirey eh, as hie e niart veih.

1 Samuel 24:3

As myr v’eh goll, haink eh gys bwoailtchyn ny geyrragh, raad va ooig; as hie Saul stiagh dy ghoaill snap dy chadley: as va David as e gheiney cheu-sthie ec kione sodjey stiagh yn ooig.