Jonah 1:4 - Yn Vible Casherick 1775 1819

⁴ Agh hug y Chiarn magh geay vooar er yn aarkey, as va sterrym dorrinagh ayns y cheayn, myr shen dy row yn lhong ayns gaue brishey.

Jonah 1:4 ပူးပေါင်းရင်းမြစ်များ

Psalmyn 135:6

Cre-erbee s’gooidsave lesh y Chiarn, shen ren eh ayns niau, as er y thalloo: ayns yn aarkey, as ayns ooilley ny diunidyn mooarey.

Psalmyn 135:7

T’eh cur magh ny bodjallyn veih ardjyn sodjey magh y theihll: as cur magh ny tendreilyn-taarnee lesh y fliaghey, tayrn ny geayghyn magh ass e hashtaghyn.

Psalmyn 148:8

Aile as sniaghtey-garroo, sniaghtey meen as kay: geay as sterrym, cooilleeney e ghoo;

Exodus 10:13

As ren Moses e lorg y heeyney magh harrish cheer Egypt, as hug y Chiarn lesh geay-niar er y cheer fey-ny-laa, as fud-ny-hoie shen; as tra va’n moghrey er jeet rish, hug y gheay-niar lesh ny locustyn.

Exodus 10:19

As hyndaa yn Chiarn yn gheay mygeayrt gys y neear, feer lajer as niartal, ren sheebey ersooyl ny locustyn, as ad y cheau ayns yn Aarkey Jiarg: cha row un locust faagit ayns ooilley ardjyn Egypt.

Exodus 14:21

As heeyn Moses magh e laue erskyn yn aarkey; as hug y Chiarn er yn aarkey dy hraie, lesh geay niartal veih’n niar fud-ny-hoie shen, as haink y thalloo chirrym rish, as va ny ushtaghyn er nyn scarrey veih-my-cheilley.

Exodus 15:10

Lesh dty gheay ren oo sheidey; ren y faarkey nyn goodaghey: ren ad sinkeil myr leoaie ayns ny ushtaghyn stermagh.

Jeremiah 51:16

Tra t’eh cur magh e choraa, ta’n aer laadit lesh ushtey, as t’eh cur er kay troggal veih ardjyn sodjey magh y thallooin; t’eh cur magh tendreilyn lesh fliaghey, as lhiggey magh yn gheay ass e hashtaghyn.

Amos 4:13

Son cur-my-ner, eshyn ta cummey ny sleityn, as croo yn gheay, as soilshaghey da dooinney, cre ta e smooinaght, ta jannoo yn moghrey dorraghys, as shooyl er ard-ynnydyn y thallooin, yn Chiarn, Jee ny flaunyssee, yn ennym echey.

Earrooyn 11:31

As hie geay magh veih’n Chiarn, as hug eh lesh quaylyn veih’n aarkey, as lhig eh daue tuittym liorish y champ, myr veagh eh jurnah laa er yn derrey heu, as myr veagh eh jurnah laa er y cheu elley, ooilley mygeayrt y champ, as ad getlagh mysh stundayrt er yrjid, erskyn eaghtyr y thallooin.