Jonah 1:3 - Yn Vible Casherick 1775 1819

³ Agh dirree Jonah seose dy roie er-chea gys Tarshish veih fenish y Chiarn, as hie eh sheese gys Joppa; as hooar eh lhong goll gys Tarshish: myr shen deeck eh yn leagh-shiaullee, as hie eh er boayrd, dy gholl mâroo gys Tarshish, veih fenish y Chiarn.

Jonah 1:3 ပူးပေါင်းရင်းမြစ်များ

Genesis 3:8

As cheayll ad coraa yn Chiarn Jee goll trooid y gharey, ayns fynneraght y laa: as dollee Adam as e ven ad hene veih kionfenish y Chiarn Jee, mastey biljyn y gharey.

Genesis 4:16

As hie Cain magh veih fenish y Chiarn, as ren eh cummal ayns cheer Nod, shiar jeh Eden.

1 Reeaghyn 19:3

As tra honnick eh shen, hrog eh er, as chossyn eh roish son e vioys, as haink eh gys Beer-sheba, ta bentyn gys Judah, as daag eh e harvaant ayns shen.

1 Reeaghyn 19:9

As haink eh gys ooig ayns shen, as shen y raad ghow eh aaght: as cur-my-ner, haink goo’n Chiarn huggey, as dooyrt eh rish, Cre t’ou dy yannoo ayns shoh, Elijah?

2 Recortyssyn 2:15

Nish, er-y-fa shen, yn churnagh, as yn oarn, yn ooil, as y feeyn, ta my hiarn er imraa jeu, lhig da ’choyrt ad gys e harvaantyn:

2 Recortyssyn 2:16

As nee mayd giarey fuygh ayns Lebanon, wheesh as vees feme ayd er, as ver mayd lhien eh hood ayns raftyn er y cheayn gys Joppa, as ver oo lhiat eh seose gys Jerusalem.

2 Recortyssyn 9:21

Son hie lhongyn y ree gys Tarshish marish shoalteyryn Huram; keayrt ayns three bleeaney haink lhongyn Tarshish cur lhieu airh as argid, ivory, as apeyn, as peacockyn.

Ezra 3:7

Hug ad argid myrgeddin da ny masoonee as ny seiyr, as bee, as jough, as ooil dauesyn jeh Zidon, as dauesyn jeh Tyre, dy choyrt lhieu biljyn-cedar veih Lebanon gys faarkey Joppa; cordail rish sarey Cyrus ree Phersia.

Lioar Yob 1:12

As dooyrt y Chiarn rish Satan, Cur-my-ner, ta ooilley ny t’echey ayns dty phooar; ynrycan er hene cha lhie oo dty laue. Myr shen hie Satan magh veih fenish y Chiarn.

Lioar Yob 2:7

Myr shen hie Satan magh veih fenish y Chiarn, as ren eh Job y woalley lesh askaidyn yngyragh, veih boyn e choshey gys mullagh e chione.

Psalmyn 107:23

Adsyn ta goll er yn aarkey ayns lhongyn: as ta dellal ayns ny ushtaghyn mooarey.

Isaiah 2:16

As er ooilley lhongyn Tarshish, as er ooilley ny pictureyn aalin.

Isaiah 23:1

Errey Tyre. Gull-jee, shiuish lhongyn Tarshish; son te ny hraartys, myr shen nagh vel thie faagit, ny boayl erbee dy gholl stiagh ayn: veih cheer Chittim te er ny ockley magh orroo.

Isaiah 23:10

Immee trooid yn cheer ayd myr awin, O inneen Tarshish: cha vel niart smoo aynyd.

Isaiah 23:6

Shiaull-jee harrish gys Tarshish, yllee-jee; shiuish chummaltee yn ellan.

Isaiah 60:9

Son shickyrys nee ny ellanyn farkiaght er my hon, as lhongyn Tarshish hoshiaght, dy choyrt lhieu my vec veih foddey, nyn argid as nyn airh mâroo, gys ennym y Chiarn dty Yee, as gys Jee casherick Israel; er-yn-oyr dy vel eh er dty ghloyraghey.

Jeremiah 10:9

Ta argid bwoailt magh ayns plaityn er ny chur lesh veih Tarshish, as airh veih Uphaz, obbyr y ghaaue-airh, as laueyn y lheieder: lesh gorrym as purple t’ad coamrit: t’ad ooilley obbyr gheiney schleioil.

Ezekiel 2:8

Agh uss, vac y dooinney, eaisht rish shen, ny ta mee gra rhyt, ny bee uss mee-viallagh, myr y thie mee-viallagh shen: foshil dty veeal, as ee shen ny ver-ym dhyt.

Ezekiel 27:12

Tarshish va dty varchan son mooarane dty chooid, ayns dy chooilley cheint dy verchys; lesh argid, yiarn, stainney as leoaie ren ad dellal ayns dty vargaghyn.

Ezekiel 3:14

Myr shen hrog y spyrryd mee seose, as ghow eh mee ersooyl, as hie mee ayns sou-aigney, as bree my spyrryd, agh va laue yn Chiarn niartal orrym.

Jonah 1:10

Eisht va ny deiney erskyn-towse agglagh, as dooyrt ad rish, Cre’n-fa t’ou uss er n’yannoo shoh? (son va fys ec ny deiney dy row eh er-chea veih fenish y Chiarn, son v’eh er n’insh daue).

Jonah 4:2

As ghow eh padjer gys y Chiarn, as dooyrt eh, Guee-ym ort, O Hiarn, nagh nee shoh va my raa, choud as va mee foast ayns my heer hene? shen-y-fa chossyn mee roym [dy gholl] gys Tarshish: son va fys aym dy vel oo Jee graysoil as myghinagh, moal gys corree, as jeh kenjallys vooar, as meiygh-chreeagh ayns kerraghey.

Noo Luke 9:62

As dooyrt Yeesey rish, Dooinney erbee t’er chur e laue gys y cheeaght, as ta jeeaghyn back, t’eh an-chooie son reeriaght Yee.

Jannoo 15:38

Agh dob Paul nagh ragh eh mâroo, son dy daag eh ad ec Pamphylia, as nagh jagh eh mâroo gys yn obbyr.

Jannoo 26:19

Er shoh, ree Agrippa, cha row mee mee-viallagh gys yn ashlish flaunyssagh:

Jannoo 9:36

Nish va ec Joppa ben dy row jeh’n chredjue, yiarragh ad Tabitha r’ee, er aght elley Dorcas: va’n ven shoh berchagh ayns obbraghyn mie as giastyllys gys ny boghtyn.

Jannoo 9:38

As son wheesh as dy row Lydda er-gerrey da Joppa, as dy row ny credjuee er chlashtyn dy row Peddyr ayns shen, hug ad huggey daa ghooinney, guee er eh dy heet huc ayns dy chooilley hiyr.

Jannoo 9:42

As va shoh er ny hoilshaghey magh trooid ooilley Joppa; as ren ymmodee credjal ayns y Chiarn.

Jannoo 9:43

As haink eh gy-kione, dy duirree eh ymmodee laghyn ayns Joppa marish tanner dy row va enmyssit Simon.

1 Corinthianee 9:16

Son ga dy vel mee preacheil y sushtal, cha vel veg aym dy voggyssagh ass: son ta’n êgin shoh lhie orrym; dy jarroo, smerg dou mannagh jean-ym y sushtal y phreacheil.

2 Thessalonianee 1:9

Vees er nyn gerraghey lesh toyrt-mow dy bragh farraghtyn veih fenish y Chiarn, as veih gloyr e phooar.

Joshua 19:46

As Me-jarkon, as Rakkon, as y slyst jeeragh er Japho.