Jonah 1:2 - Yn Vible Casherick 1775 1819

² Trog ort, immee gys Nineveh yn ard-valley mooar shen, as trog seose dty choraa noi eck, son ta’n mee-chraueeaght oc er jeet seose kiongoyrt rhym.

Jonah 1:2 ပူးပေါင်းရင်းမြစ်များ

Genesis 10:11

Veih yn cheer shen hie eh gys Ashur, as hrog eh Nineveh, as ard-valley Rehoboth, as Calah,

2 Reeaghyn 19:36

Myr shen hie Sennacherib ree Assyria roish, as hyndaa eh, as chum eh ec Nineveh.

2 Recortyssyn 28:9

Agh va phadeyr y Chiarn ayns shen, va e ennym Oded: as hie eh magh quail y cheshaght-chaggee haink gys Samaria, as dooyrt eh roo, Cur-my-ner, er-yn-oyr dy row’n Chiarn Jee nyn ayraghyn corree rish Judah, t’eh er livrey ad gys nyn laue, as ta shiu er varroo ad ayns jymmoose, ta geamagh gys niau son cooilleeney.

Ezra 9:6

As dooyrt mee, O my Yee, ta mee goaill nearey, as jiargaghey dy hroggal seose my eddin hood’s my Yee: son ta nyn beccaghyn er vishaghey harrish nyn ghing, as nyn loght er roshtyn gys ny niaughyn.

Isaiah 37:37

Myr shen jimmee Sennacherib ree Assyria roish, as hie eh as hyndaa eh, as ren eh cummal ec Nineveh.

Isaiah 58:1

Yllee dy ard, ny lhig sheese dty ghoo; trog seose dty choraa myr trumpet, as soilshee da my phobble nyn ghrogh-yannoo, as da thie Yacob nyn beccaghyn.

Jeremiah 20:9

Eisht dooyrt mee, Cha jean-yms genmys eh, chamoo loayr-ym arragh ’syn ennym echey: agh va e ghoo ayns my chree myr aile lossey jeight seose ayns my chraueyn; ve pian dou dy phlooghey eh, as cha row niart aym dy reayll eh fo.

Ezekiel 2:7

As nee uss my ghoan’s y loayrt roo, lhig daue clashtyn, ny gyn clashtyn, son t’ad ard-vee-viallee.

Hosea 7:2

As cha vel ad goaill gys nyn gree, dy vel mish cooinaghtyn er ooilley nyn olkys: nish ta nyn yannoo hene coyrt dy chion roo er dagh cheu, t’ad kiongoyrt rish my eddin.

Jonah 3:2

Trog ort, immee gys Nineveh yn ard-valley mooar shen, as jean preacheil ayn ny goan ver-ym royd.

Jonah 3:3

Myr shen dirree Jonah, as hie eh gys Nineveh cordail rish goo yn Chiarn: (nish va Nineveh ard-valley feer vooar jeh jurnah three laa.)

Jonah 4:11

As nagh lhisin’s sparail Nineveh yn ard-valley mooar shen, ayn ta ny smoo na shey-feed thousane persoon, nagh vel fys oc er nyn laue yesh shaghey nyn laue chiare, as myrgeddin ymmodee maase?

Micah 3:8

Agh dy firrinagh ta mish ayns slane bree liorish spyrryd y Chiarn, as lesh briwnys, as lesh niart, dy hoilshaghey da Jacob e vee-chairys, as da Israel e pheccah.

Nahum 1:1

Errey Nineveh. Lioar ashlish Nahum yn Elkoshite.

Nahum 3:19

Cha vel saase cour dty lhott: s’dewil ta dty ghuin: nee ooilley ta clashtyn y skeeal jeed bwoalley nyn massyn harryd; son quoi er nagh vel oo keayrt ny keayrt ennagh er n’yannoo tranlaase?

Noo Mian 10:18

As bee shiu er nyn goyrt fenish kiannoortyn as reeaghyn er y choontey aym’s, myr shoh gymmyrkey feanish dauesyn, as da ny Ashoonee.

Noo Mian 12:41

Nee deiney Nineveh girree seose ayns briwnys, as y cheeloghe shoh y gheyrey, er-yn-oyr dy ghow ad arrys ec preacheil Yonas, as cur-my-ner, ta fer syrjey na Jonas ayns shoh.

Jamys 5:4

Cur-my-ner, ta faill ny labreeyn, ta er vuinn ny magheryn eu, ta lieriuish er ny reayll voue dy molteyragh, gaccan: as ta eam ny beayneeyn er n’gholl stiagh ayns cleayshyn y Chiarn dy Heshaght-chaggee flaunys.

Ashlish 18:5

Son ta e peccaghyn er roshtyn gys niau, as ta Jee er chooinaghtyn er y vee-chairys eck.